‘Тийн унжлагат’ хэмээх Шороон нохой жилийн сар шинийн баярын өдрүүдэд буюу өнөөдөр /2018.02.16/-өөс нийтийн тээвэр зорчигчдод үнэ төлбөргүй үйлчилнэ. Тодруулбал, хоёрдугаар сарын 16, 17, 18-ны өдрүүдэд нийтийн тээврийн үйлчилгээнд нийт 87 чиглэлийн 694 их, дунд багтаамжийн автобус, троллейбус иргэдэд 08.00-22.30 цаг хүртэл үнэ төлбөргүй үйлчилж байна.

Сар шинийн баярын өдрүүдэд иргэдийн шуурхай зорчих эрэлтийг хангах үүднээс хөдөлгөөний ачаалал нэмэгддэг, хотын захын Шархад, Толгойт, Тахилт, Нарангийн гол, Нисэх, Баруун салаа, Монел, Чингэлтэй, Өвөр согоот, Сэлх, Жанжин клуб, Гачуурт, Хайлааст, Баянхошуу, Улаан чулуут, Орбит, Зүүн салаа, Яармаг, Алтан овоо гэсэн нийт 19 суурьшлын цэгт үйлчлэх тээврийн хэрэгслийн тоог 42-оор нэмэгдүүлж ажиллах юм. Иймд иргэд та бүхэн нийтийн тээврийн хэрэгслийг сонгож, хурдан шуурхай зорчих боломжтой.