Онцгой байдлын асуудал эрхэлсэн байгууллагын билэг тэмдэг болсон сүлд, тугны загварыг долдугаар сарын эхээр өөрчилжээ. Ингэхдээ мөнх тэнгэрийг билэгдсэн хөх өнгийн дэвсгэр дээр Онцгой байдлын албаны билэг тэмдгийг байрлуулж, “Онцгой байдлын ерөнхий газар” гэж монгол бичгээр сийрүүлэн бичсэн байна. Онцгой байдлын албаны шинэ тугийг анх удаагаа бие бүрэлдэхүүний өмнө залж, цэнгүүлэх ёслолыг улсын баяр наадмын өмнөхөн зохион байгуулсан бөгөөд Онцгой байдлын асуудал эрхэлсэн байгууллагын дотоод дүрмэнд заасны дагуу албаны шинэ тугийг Онцгой байдлын ерөнхий газрын байранд тусгайлан зассан хоргонд хүндэтгэн байрлуулсан байна.