Автомат удирдлагатай буюу жолооч шаардлагагүй нисдэг тэргийг хятадууд бүтээжээ. Тус “И Хан-184” нисдэг тэрэг Гуанжоу хотод зорчигч тээвэрлэн туршилтын нислэгийн үзүүлэх сургуулилтыг энэ сарын 6-нд хийсэн байна. “И Хан-184”-ийн 184 нь нэг зорчигч, найман сэнс, дөрвөн гадагшаа чиглэсэн механик гар шиг төхөөрөмжийг нь илэрхийлсэн утгатай аж. 

Тус нисдэг тэрэг нь дэлхий дээрх анхны зорчигч тээврийн автомат удирдлагатай нисэх онгоц юм байна. Түүнчлэн бүхэлдээ Хятадын Гуанжоу хотын “И Хан” ухаалаг технологийн хязгаарлагдмал компанийн бие даан судлан гаргасан бүтээл бөгөөд ойр, дундын зайн өдөр тутмын тээвэрлэлтийг хангах зориулалттай гэнэ.

Эх сурвалж: CCTV