даяар 400 сая хувь борлогдсон. Энэ зохиолоос сэдэвлэж бүтээсэн
кинонууд ашиг орлогоороо “Титаник”, “Аватар”-ын дараа жагсаж байна.
“Харри Поттер”-ын шинэ зохиол худалдаанд гарах сургаар дэлгүүрийн
гадаа шөнөжин дугаарлаж зогссон дурсамж сая, сая хүний цээжинд бий.
Харри Поттерийн ид шидийн ертөнц хүмүүсийн сонирхлыг ингэж их татжээ.
Харин түүний цаана байгаа жинхэнэ “шидтэн” болох зохиолч эмэгтэй
Ж.К.Роулинг гэж хэн бэ. Дунд сургуульдаа ширээний цаанаас босдоггүй
байсан даруухан, бүрэг охин. Хожим нь нөхөртөө хаягдаж, хөлсийг нь төлж
чадахгүй болохоор байрнаасаа хөөгдөх шахаж явсан бүсгүй. Ажлаасаа
халагдчихаад яаж амьдралаа залгуулах учраа олж ядан бяцхан охиноо
ширтэж суусан ээж. Нас биенд хүрч, амьдралын хатууг мэдэрсэн ч дотроо
ид шидийн ертөнцийг төсөөлөн бодох дуртай Лондон хотын жирийн нэгэн
эмэгтэй. Эцэст нь тэр ноорхой амьдрал дундаас төрөн гарсан саятны бодит
жишээ болсон юм.
Ж.К.Роулинг 1965 оны зургаадугаар сарын 31-нд Англид төржээ. Түүний
жинхэнэ нэр нь Жоанна Катлин. Хожим номынхоо зохиогчоор энэ нэрээ
бичих гэсэн боловч өсвөр насны хөвгүүд эмэгтэй зохиолчийн бүтээлийг
уншихгүй байж магадгүй гэж болгоомжилсноос “Ж.К.Роулинг” хэмээх
нэрийг ашиглаж эхэлсэн байна. Тэрбээр өөрийнхөө тухай нэгэн
ярилцлагадаа “Би тав билүү, зургаан настайгаасаа зохиол бичиж эхэлсэн”
гэжээ. Түүний анхны зохиол нь “хатагтай” Зөгий гэх мэт сонирхолтой
дүрүүдийг багтаасан “Туулай” хэмээх жижигхэн өгүүллэг байв. Гэр бүл нь
Винтербурнд нүүж ирсний дараа бяцхан Роулинг охин хөршийнхөө Поттер
гэдэг хүүтэй сайн найзууд болсон байна. Нэрийг нь насан туршдаа
мартахааргүй тийм сайн найзууд.
О
хиныг есөн нас хүрэх үед нь тэднийх Татшил руу нүүж, Роулинг тэнд
сургуульд оржээ. Тэрбээр хожим өөрийгөө “Би тэр үед сэвхтэй, ичимхий
охин байсан. Гэхдээ уран зохиолд ухаангүй хайртай байж билээ” хэмээн
ярьсан байна. Ахлах сургуулиа төгссөний дараа эцэг, эхийнхээ санал
болгосны дагуу Exeter-ийн их сургуульд орж, франц хэл сурчээ. Түүнийг
гэр бүлийнхэн нь нарийн бичиг болгох хүсэлтэй байж. Гэвч сургуулиа
төгссөнийхөө дараа Роулинг өөрийгөө хамгийн зохион байгуулалт муутай
хүн гэдгийг ойлгож, энэ ажил өөрт нь тохирохгүй гэдгийг эцэг, эхдээ
хэлсэн байна. Харин 26 нас хүрэх үедээ Ж.К.Роулинг Португальд очиж,
англи хэлний багш болжээ.
“Англи хэл бол уянгалаг сайхан хэл”. Ингэж боддог байсан ирээдүйн
зохиолч эмэгтэй ажилдаа дуртай байснаас гадна өглөө, оройд зохиолоо
бичих цаг гардагт нь талархдаг байв. Нэгэн удаа тэрбээр галт тэргэнд
явахдаа хажууд нь зэрэгцэн суусан нүдний шилтэй нэгэн жаалыг харж
байгаад шидтэн хүү Харри Поттерын түүхийг бичих санагаа олжээ. Чухам энэ
үеэс “ид шид” гэдэг үг Ж.К.Роулингийн толгойд эргэлдэж эхэлсэн байна.
Тэрбээр 1993 онд Португалийн иргэн, сэтгүүлч залуутай гэрлэж, Жессика
гэдэг охинтой болсон боловч төд удалгүй салах өргөдлөө өгөх гээд зогсож
байв. Ажлаасаа ч халагджээ. Тэр үеийнхээ амьдралыг хожим нь тэрбээр ийн
дурссан байдаг. “Их сургуулиа төгсөөд долоон жил өнгөрсний дараа би
нөхрөөсөө салж, ажилгүй болсон өрх толгойлсон эмэгтэй болсон байв.
Гэхдээ энэ бүх бүтэлгүйтэл намайг чөлөөлж өгсөн. Би хэний ч өмнө худлаа
дүр эсгэх шаардлагагүй болж, бүх эрч хүчээ өөрийнхөө хүссэн зүйлд
зориулах боломжтой болсон. Цөхөрч, шаналан сууж байх үедээ үүнийг л би
ойлгосон юм. Би амьсгалж байна. Би хөөрхөн охинтой. Надад хуучин
бичгийн машин байна. Бас гайхалтай санаа олсон. Өөр юу хэрэгтэй юм бэ.
Үүнийг ойлгоод би бичиж эхэлсэн”.
Ж.К.Роулинг цуврал зохиолынхоо эхний хэсэг болох “Харри Поттер ба гүн
ухааны чулуу” номоо хэвлэлийн компани руу явуулчихаад хариу ирэхийг нь
тэсэн ядан хүлээж байжээ. Хэвлэлийн газрын хүн түүн рүү утасдаж, “Таны
номыг хэвлэхээр боллоо” гэхэд өөртөө итгэж ядан “Нээрээ юү” хэмээн
хариулж байж. Харин шидтэн хүүгийн тухай өгүүлэх энэ номыг уншаад
таалагдсан тухайгаа нэгэн ээж радиогоор ярьсны дараахнаас эхлэн “Харри
Поттер” зохиол жинхэнэ утгаараа хүчээ авч эхэлсэн байна. Эцэг, эхчүүд
энэ тухай ам дамжин сонсож, цааш нь тараасаар. Харин зохиолыг нь нэг
удаа уншсан хүн муу үг унагах аргагүй байжээ.
“Харри Поттер” зохиол дээр гардаг өдөр шөнөгүй ном шагайж явдаг Хермони
охины дүр зарим талаараа Ж.К.Роулингийн бага настай адилхан байв.
Түүнчлэн шүүмжлэгчдийн зүгээс энэ номонд гардаг ид шидийн ертөнц тэр
чигээрээ Лондон хотын хуулбар байгааг шагшдаг. Өөрөөр хэлбэл, ид шид,
тайлагдашгүй хүчин зүйлсийн тухай өгүүлэх уран зөгнөл юм шиг хэрнээ
“Харри Поттер” зохиол хүмүүсийн жирийн аж амьдралтай дэндүү ойр дотно
байжээ. Түүнчлэн цагаа олсон хошигнол, логик дараалал сайтай үйл явдлууд
нь Ж.К.Роулингийн бүтээлийг улам бүр чимж өгсөн юм.
Ж.К.Роулинг 2000 оны зун гэхэд “Харри Поттер” цуврал зохиолынхоо эхний
гурван ботийн худалдаанаас 400 сая ам.долларын ашиг олжээ. Түүний ном
дэлхийн 35 хэлээр орчуулагдаж, 30 сая хувь хэвлэгдсэн байсан юм. Түүний
бүтээлүүд “Нью-Йорк таймс” сонины бестселлерийн жагсаалтыг маш удаан
хугацааны турш тэргүүлсэн юм. “Форбес” сэтгүүл өнгөрсөн гуравдугаар сард
түүний нийт хөрөнгийн хэмжээ нэг тэрбум ам.долларт хүрсэн гэдгийг
зарлажээ. Өнгөрсөн оны судалгаагаар Ж.К.Роулинг Их Британийн хамгийн
нөлөө бүхий эмэгтэй болсон байна. Тэрбээр “Би бурханд итгэдэг боловч ид
шидэд итгэдэггүй” хэмээн хэлж байж.
"Улс төрийн тойм" сонин