Ази тивд зохиогдож буй 3 дахь “цагаан” олимп

Нээлтээ хийхэд хэдхэн цаг үлдсэн “Пёнчан-2018” өвлийн олимпийн XXIII наадам нь Ази тивд зохиогдож буй гурав дахь “цагаан” олимп болж байна. Өмнөд солонгосчууд “цагаан” олимпийг зохион байгуулах эрхийн төлөө 2003, 2007 онуудад нэр дэвшин өрсөлдөж байсан ч тухай бүртээ бүтэлгүйтэж байсан. Гэсэн хэдий ч Өмнөд солонгосчууд гурав дахь удаагаа буюу 2011 оны 7 сарын 6-нд Өмнөд Африкийн Дурбан хотноо болсон ОУОХ-ны 123-р чуулганаар дахин нэр дэвшин ялалт байгуулсан.

ОУОХ-ны 123-р чуулганд Францын Анси, Германы Мюнхэн болон БНСУ-ын Пёнчан хотууд өвлийн олимпийн XXIII наадмыг зохион байгуулах эрхийн төлөө өрсөлдсөн бөгөөд Пёнчан хот 62 саналаар илт давуу ялалт байгуулсан.

Пёнчан хот 2018 оны “цагаан” олимпийг зохион байгуулах эрхийг авснаар Ази тивд зохиогдож буй ГУРАВ дахь өвлийн олимп болж байна. Өмнө нь Ази тивд Японы Саппоро хот 1972 онд, Нагано хот 1998 онд “цагаан” олимп зохион байгуулагдаж байсан. Үүнээс гадна БНСУ өвөл болон зуны олимпийн наадмыг зохион байгуулсан дэлхийн 5 тивийн 200 гаран улсаас 8 дахь улс болж байна.

Ази тивд зохион байгуулагдаж байсан “цагаан” олимп

Саппоро-1972 (Япон улс)
Нагано-1998 (Япон улс)
Пёнчан-2018 (БНСУ)

Өвөл болон Зуны олимпийн наадмыг хоюуланг нь зохиож байсан улс орнууд

1. Америкийн Нэгдсэн Улс

ӨВЛИЙН ОЛИМП 4 УДАА: Лэйк-Плэсид-1932, Скво-Валли-1960, Лэйк-Плэсид-1980, Солт-Лейк-2002
ЗУНЫ ОЛИМП 4 УДАА: Сент-Луис-1904, Лос-Анжелес-1932, Лос-Анжелес-1984, Атланта-1996

2. Франц улс