Цахим ертөнцөд идэвхтэй байдаг хүмүүсийн нэг бол трансжендер  мисс Б.Солонго. Түүнд кинонд тоглох санал ирдэг гэнэ. Тэрбээр  “Ихэвчлэн эротик кинонд тоглуулах санал ирээд байдаг юм. Би татгалздаг. Хүний өөрчлөлтийг харуулсан, хүний дотоод сэтгэлд юм бодогдуулсан, ухаарал хайрласан киноны санал ирвэл татгалзахгүй. Гэвч одоогоор миний хүсэж байгаа киноны санал ирэхгүй л байна” хэмээн нэгэн хэвлэлд өгсөн ярилцлагадаа дурджээ.Сонирхуулахад тэрбээр  “Мiss International Queen” тэмцээнд эх орноо төлөөлөн оролцохоор Тайланд улсын Бангкок хотыг  удахгүй зорих юм байна. Цагаан сараар эх орондоо байхгүйдээ харамсаж байгаа ч тэмцээндээ амжилттай оролцоод ирнэ гэдэгтээ итгэлтэй байгаа гэнэ. Тэмцээн  энэ сарын 25-ны өдрөөс гуравдугаар сарын 9-ний өдрүүдэд үргэлжилнэ.

Э.Бурам