Өдгөө 34 настай БНСУ-ын трамплин харайлтын тамирчин Кин Хён-Ги зургаа дахь өвлийн олимпийн наадамдаа оролцох гэж байна. Өмнө нь Нагано-1998, Солт-Лейк-2002, Турин-2006, Ванкувер-2010, Сочи-2014 олимпийн наадамд оролцож байсан бөгөөд БНСУ-аас хамгийн олон удаа өвлийн олимпод оролцсон тамирчин болж байна.

Кин Хён-Ги эх орондоо болж буй олимпийн наадамд медалийн тавцан дээр зогсоно гэдэгтээ итгэлтэй байгаа ажээ. Тэрбээр “Энэ удаагийн олимп миний эх оронд, тэр дундаа миний төрсөн нутагт болж байна. Иймд Пёнчан-2018 олимп бол миний хувьд нэр төрийн хэрэг. Миний уралдааныг манай гэр бүлийнхэн, найзууд дэргэдээс үзэх тул хариуцлага өндөр болж байна. Заавал шагналын тавцан дээр гарна” гэжээ.