Сар шинийн баяр болох гэж байгаатай холбогдуулан Баянзүрх дүүргийн Онцгой байдлын хэлтсээс дүүргийн нутаг дэвсгэрт үйл ажиллагаа явуулж буй сүм хийд, шашны байгууллагуудын барилга байгууламжид гамшгаас хамгаалах болон гал түймрийн улсын хяналтыг хэрэгжүүлэх шалгалтыг зохион байгууллаа.

Баянзүрх дүүргийн Онцгой байдлын хэлтсийн Гамшгаас хамгаалах болон Гал түймрийн улсын хяналтын байцаагч нар Сажа бандидын номон хүрдэн хийд, Тарвалин хийд, Улааны шашны төв, Ловон бадам жунай нууц тарнийн номын хүрдэн хийд, Буян арвижих, Хотол дэлгэрэх төв, Дулма лин хийд, Чундан тэнсүн чилли хуэ, Дэрчин равжаалин хийд, Үржин Шадивлан хийд, Тэнгэрийн шүтээн бөөгийн төв, Авран зүгийн тэнгэр зэрэг нийт 30 гаруй шашны байгууллагыг шалгасан байна.

Түүнчлэн Сар шинийн баярын үеэр иргэд болзошгүй гамшиг осол гал түймрийн аюулаас урьдчилан сэргийлэхийг Баянзүрх дүүргийн Онцгой комиссоос анхаарууллаа.

Эх сурвалж: БЗД