Өвлийн олимпийн наадмын эмэгтэйчүүдийн хоккейн төрөлд Өмнөд болон Хойд Солонгосын хоккейчид нэг баг болон оролцож байгаа. Тэгвэл өчигдөр Солонгос болон Шведийн багуудын хооронд нөхөрсөг тоглолт Инчон хотод болж, тоглолт 3:1 онооны харьцаагаар талбайн эзэд хожигдов. 

Хоёр солонгосын хоккейчид нэгдсэн анхны энэхүү тоглолт багагүй эсэргүүцэлтэй тулгарсан ч тэд олимпийн наадмын өмнөх эхний сорилтыг давжээ. 

Тоглолтын өмнө Швед улсын төрийн дуулал эгшиглэсэн бол Өмнөд болон Хойд Солонгос улсын алийнх ч төрийн дуулал эгшиглээгүй бөгөөд “Ариран” дууг тавьсан байна. 

Олимпийн наадмын эмэгтэйчүүдийн хоккейн төрөл хоёрдугаар сарын 10-ны өдөр эхлэх бөгөөд хоёрдугаар сарын 22-д өндөрлөнө.