Ард түмний сэтгэлд хоногшсон олон дууны нэг “Миний ээж тэмээчин”. Энэ дууны шүлгийг Төрийн соёрхолт, Соёлын гавьяат зүтгэлтэн П.Пүрэвсүрэн бичиж, аялгууг урлагийн гавьяат зүтгэлтэн Ч.Сангидорж бичсэн билээ. Хүн бүрийн сэтгэлд уяатай явдаг энэ дууг дуучин Д.Отгонжаргал шинэчлэн дуулж, дүрсжүүлжээ.
АСЕ энтертайнментийн хамт олны бүтээсэн дууны клипэнд Ардын жүжигчин П.Цэрэндагва, Д.Мэндбаяр болон “Miss World 2016” тэмцээний шилдэг 11 оролцогчийн нэг А.Баярцэцэг нар тоглосон байна.
Дуучин Д.Отгонжаргалын дуулсан “Миний ээж тэмээчин” дууны клипний нээлт өнгөрөгч долоо хоногт болжээ.
Ч.БОЛ