Монгол Улсын Засгийн газрын энэ сарын 14-ний хуралдаанаар БНАСАУ-д 30 тонн мах буцалтгүй тусламжаар өгөх шийдвэр гарсан. Үүний дагуу эхний ээлжийн таван тонн махыг өчигдөр онгоцоор явуулсан байна. Энэхүү буцалтгүй тусламжийн махыг БНАСАУ-ын өнчин ядуу хүүхдийн асрамжийн газарт өгөхөөр шийдвэрлэсэн. Өөрөөр хэлбэл, монголчуудын тусламжийг өнчин ядуу хүүхдүүдэд зориулж байгаа аж. Дашрамд сануулахад Монгол Улсын Гадаад харилцааны сайд Г.Занданшатар БНАСАУ-д ажлын айлчлал хийхээр өчигдөр явсан. Айлчлал маргааш өндөрлөх юм.
Б.Анхаа
Б.Анхаа