ОХУ-ын Засгийн газраас боловсруулан баталсан "Хог хаягдлыг устгах, дахин боловсруулах стратеги"-ийн хүрээнд 2030 он гэхэд хог хаягдлын 60 хүртэл хувийг боловсруулна хэмээн Шадар сайд Александр Хлопонин мэдэгдлээ.

"Стратегийн баримт бичигт зааснаар, хог хаягдлын боловсруулалтын түвшнийг бид Европын холбооны түвшинд буюу 60 хувьд хүргэх юм. Гэвч өнөөдрийн байдлаар бид дөнгөж 7-9 хувийг л боловсруулж байна" хэмээн Шадар сайд хэллээ.

ОХУ даяар жилдээ таван тэрбум тонн хүртэлх хог хаягдал гарч байгаа юм. Үүний дийлэнх буюу 4,6 тэрбум тонн нь уул уурхайгаас гарч байгаа ажээ.

Эх сурвалж: РИА НОВОСТИ