“Гэмт хэргээс урьдчилан сэргийлэхэд техник, технологийн дэвшлийг ашиглах нь” нээлттэй үзэсгэлэн өнөөдөр Мэдээлэл технологийн үндэсний төвд болж байна. Энэ үзэсгэлэн иргэд амь нас, эрүүл мэнд, эд хөрөнгөө гэмт халдлагаас хамгаалахад ашиглаж болох дэвшилтэт техник, технологийг сурталчлан таниулах зорилготой. ЦЕГ-ын урьдчилан сэргийлэх хэлтсээс энэхүү танилцуулгыг олон нийтэд хүргэж байгаа юм.