БНХАУ-ын бизнес эрхлэгч, “Алибаба” цахим худалдааны сайтын үүсгэн байгуулагч Ма Юнь (Хятад нэр) буюу бидний мэдэх Жэк Ма улсынхаа хөдөө тосгонд ажилладаг багш нарт шагнал гардуулжээ. Тус “Тосгоны багш нарт шагнал гардуулах ёслол”-ын арга хэмжээ энэ сарын 21-нд Хайнань мужийн Саняа хотод болсон байна.

Гурав дахь удаагаа олгож буй тус шагналыг энэ удаа Хятадын хөдөө тосгонд ажилладаг 100 багш хүртсэн бөгөөд тэд тус бүр 100 мянган юанийн тэтгэмж авсан аж. Багш нарын авсан шагнал үүгээр зогсохгүй тэд мөн гурван жилийн хугацаанд мэргэжлийн ур чадварын сургалтад хамрагдах эрхтэй болжээ.

Эх сурвалж: CCTV