Олимпийн хошой, дэлхийн нэг удаагийн аварга алдарт бөх Иван Ярыгиний нэрэмжит “Алтан Гранпри” тэмцээн энэ сарын 26-28-нд Красноярск хотод болно. ДБНХ-ноос чансаа олгох тэмцээнүүдэд зохион байгуулагч орноос нэг жинд таван бөх барилдуулахаар шийдвэрлэсэн юм. ОХУ-ын эрэгтэйчүүдийн шигшээ багийн ахлах дасгалжуулагч Жамболат Тедеев “Алтан Гранпри”-д эрэгтэйчүүдийн 10 жинд тус бүр хоёроос гурван тамирчинг зарлаад байсан. Тэгвэл энэ сарын 19-21-нд Красноярскт болсон Иван Ярыгиний багш, нэрт дасгалжуулагч Дмитрий Миндиашвилигийн нэрэмжит ОУТ-ээр үлдсэн бөхчүүдийг сонгов. Миндиашвилигийн нэрэмжит тэмцээн Оросын аваргаас дутахааргүй өрсөлдөөн ихтэй болсон бөгөөд хөнгөн жинд гэхэд 50-70 бөх зодоглосон юм. Зарим жинд гэхэд аварга нь долоо ялж түрүүлэх жишээтэй. “Лас-Вегас-2015” ДАШТ-ий алтан медальт Магомедрасул Газимагомедов, ДАШТ-ий хүрэл медальт Сослан Кцоев, 23 хүртэлх насны дэлхийн аварга Начын Куулар, Алихан Жабраилов нар туршлага заан эрхээ авчээ. Манайхаас ‘Хасу-Мегастарс’ клубийн залуу тамирчид оролцсон ч медаль хүртэж чадаагүй. Түүнчлэн АНУ, БНХАУ, Казахстан, Кыргызстан, Тажикистанаас бөхчүүд зодоглосон ч эрэгтэйчүүдийн 10 жингийн 40 медалийг Оросууд бүгдийг нь өөрсдөө хамжээ.

КРАСНОЯРСКТ ЗОДОГЛОХ ОХУ-ЫН ЭРЭГТЭЙ БӨХЧҮҮД:

57 кг: Заур Угуев, Азамат Тускаев, Расул Машезов, Дондук-оол Хуреш-оол, Семен Владимиров
61 кг: Гаджимурад Рашидов, Александр Богомоев, Исмаил Мусукаев, Юлиан Гергенов, Рустам Абдурашидов
65 кг: Алан Гогаев, Ильяс Бекбулатов, Ахмед Чакаев, Начын Куулар, Ислам Дудаев
70 кг: Исраил Касумов, Магомед Курбаналиев, Магомедрасуль Газимагомедов, Абдулагажи Магомедов
74 кг: Хетик Цаболов, Магомедхабиб Кадимагомедов, Заурбек Сидаков, Никита Сучков, Кахабар Хубежты
79 кг: Аниуар Гедуев, Ахмед Гаджимагомедов, Алан Засеев, Радик Валиев, Тажудин Акаев
86 кг: Владислав Валиев, Даурен Куруглиев, Артур Найфонов, Алихан Жабраилов, Сослан Кцоев
92 кг: Абдулрашид Садулаев, Анзор Уришев, Юрий Белоновский, Гурам Черткоев, Ахмед Батаев
97 кг: Владислав Байцаев, Шамиль Мусаев, Расул Магомедов, Игорь Овсянников, Магомедхан Магомедов
125 кг: Билял Махов, Анзор Хизриев, Алан Хугаев, Мурадин Кушхов, Балдан Цыжипов

Эх сурвалж: МЧБХ