Монголын даамын холбооноос шинэ оны эхний тэмцээнээ өнгөрөгч амралтын өдрүүдэд зохион байгууллаа. Техник, технологийн дээд сургуулийн нэрэмжит өсвөрийн даамчдын аварга шалгаруулах тэмцээн нэгдүгээр сарын 20-21-ний өдрүүдэд тус сургуулийн байранд болов. 16 дахь жилдээ зохиогдсон тус тэмцээнд хот, хөдөөгийн 147 шатарчин гурван насны ангиллаар өрсөлдлөө. Орон нутгаас Увс, Өмнөговь, Дорногов, Сэлэнгэ, Төв, Өвөрхангай, Орхон аймгийн өсвөрийн даамчид оролцсон байна. 

Тэмцээн 6-9, 10-13 насанд швейцарь системээр ес, 14-17 насанд найман өрөг тоглож дүнгээ гаргав.

ТЭМЦЭЭНИЙ ДҮН:

6-9 насны охидын ангилал

1. Г.Шинэсаран (Дорноговь)
2. Ц.Сумъяа (Хөлөгт тоглоом)
3. Ц.Мягмарсүрэн (Увс),

Хөвгүүдийн ангилал:

1. Б.Баасанбар (42-р сургууль)
2. З.Аргабилэг (“Ирээдүй” цогцолбор)
3. Г.Золбоо (БЗД)

10-13 насанд охидоос

1. Б.Есүй (42-р сургууль)
2. Н.Лхагвадолгор (Өмнөговь)
3. Н.Налжормаа (Дорноговь)

10-13 насанд хөвгүүдээс

1. Б.Баярманлай (Шинэ Монгол)
2. А.Дашчирэв (42-р сургууль)
3. Б.Сүхбат (Орхон)

Тэмцээний 14-17 насанд охидоос Б.Анужин (Хасу Мегастарс), Б.Халиунаа (Дорноговь), Б.Мөнхжин (Хасу Мегастарс), хөвгүүдээс Ц.Чинзориг (“Сант” сургууль), М.Лувсандорж (Хэнтий), Б.Эрдэнэбаатар (42-р сургууль) нар медальт байранд шалгарлаа.

Дашрамд дуулгахад, Монголын даамын холбоо (MDF)-ны шинэ удирдлага сонгогдож, Ерөнхийлөгчөөр УИХ-ын гишүүн А.Ундраа, ерөнхий нарийн бичгийн даргаар Азийн аварга Р.Манлай нар ажиллахаар болжээ.

Ч.БОЛОР

Эх сурвалж: Монголын даамын холбоо