Казахстанд зорчигч тээврийн автобус шатсаны улмаас  52 зорчигч нас барсан талаар тус улсын дотоод хэргийн сайд өнөөдөр /2018.01.18/ мэдээлжээ.

Автобусны осол Казахстан-Узбекистаны хилийн ойролцоох Актау мужийн зам дээр болсон байна. Актау муж нь ОХУ-ын Самара болон Шымкент хотыг холбодог Казахстаны баруун хойд муж ажээ.

Автобус ямар чиглэлд явж байсан нь тодорхойгүй байгаа ч энэ замаар барилгын ажил голдуу хийдэг Узбекийн цагаач ажилчид ОХУ руу ирж буцдаг гэнэ.

Автобусанд зорчиж явсан зорчигчдоос тав нь л автобус шатахад гарч амжсан гэж Казахстаны дотоод хэргийн яамны онцгой байдлын хэлтсээс мэдээлсэн байна.

Энэ хэрэг орон нутгийн цагаар 10:30 цагт болжээ. Орон нутгийн хүмүүсийн хэлж буйгаар автобусанд Узбекийн цагаач ажилчид Самара-Шымкетийн чиглэлд зорчиж явсан гэнэ.

Эх сурвалж: BBC