ХОТЫН ЦАГ АГААР

Өнөөдөр ихэнх нутгаар хүйтэн салхи шуургатай, 20-нд нутгийн хойд хэсгээр, цаашдаа нийт нутгаар хүйтний эрч эрс чангарахыг анхааруулж байна. Улаанбаатарт өнөөдөр үүлшинэ. Цас орохгүй. Салхи баруунаас секундэд 7-12 метр. Өдөртөө  11-13 хэм хүйтэн байна.

ӨНӨӨДӨР БОЛОХ ҮЙЛ ЯВДАЛ

10.00

• Өмнөговь аймгийн Гурван тэс сумын Тос, Тосон Бумбын нурууг уул уурхайн компаниуд ухаж эхэлсэн талаар нутгийн иргэд Live conference center-т мэдээлэл хийнэ.

11.00

• Гадаад харилцааны яамнаас ‘Мэдээллийн цаг’ уламжлалт хэвлэлийн бага хурал зохион байгуулж, цаг үеийн асуудлаар мэдээлэл хийнэ.

18.00

• ‘Кино цамхаг’ студийн бүтээл ‘Орилоон’ уран сайхны киноны нээлт ‘IMAX’ кино тeатрт  болно.

ТӨРИЙН ОРДОНД

10.00

• Чуулганы нэгдсэн хуралдаантай. Хэлэлцэх асуудлын дарааллыг танилцуулъя.

1. Газрыг улсын тусгай хэрэгцээнд авах тухай Улсын Хурлын тогтоолын төсөл /Засгийн газар 2018.01.04-ний өдөр өргөн мэдүүлсэн, төслийн үзэл баримтлалыг хэлэлцэх эсэх/;
2. Банкин дахь мөнгөн хадгаламжийн даатгалын тухай хуульд нэмэлт, өөрчлөлт оруулах тухай хуулийн төсөл /Засгийн газар 2018.01.11-ний өдөр өргөн мэдүүлсэн, төслийн үзэл баримтлалыг хэлэлцэх эсэх/;
3. Үндэсний статистикийн хорооны зөвлөлийн бүрэлдэхүүнийг томилох тухай асуудал;
4. Зарим байнгын хорооны бүрэлдэхүүнд өөрчлөлт оруулах тухай Улсын Их Хурлын тогтоолын төсөл;
5. Монгол Улсын эрдэнэсийн сангийн үндсэн сангийн орлого, үндсэн болон гүйлгээний сангийн зарлагын 2018 оны төсвийг батлах тухай Улсын Их Хурлын тогтоолын төсөл;
6. Монгол Улсын Ерөнхий сайдын мэдээлэл: “Элэг бүтэн-Монгол” үндэсний хөтөлбөрийн хэрэгжилтийн явцын талаар.