“Трезвая Россия” хөдөлгөөний тэргүүн Султан Хамзаевийн мэдэгдсэнээр шинэ жилийн баяраар оросууд 1.2-1.3 тэрбум шил согтууруулах ундаа хэрэглэжээ. 

“Гэхдээ энэ нь зөвхөн албан ёсны зах зээлийн борлуулалт. Үүний хажуугаар албан бус зах зээл буюу самогоныг нэмэх хэрэгтэй” хэмээн тэр хэлжээ. Эш татсан тоо баримтаа тэрбээр ОХУ-ын Согтууруулах ундааны хэрэглээг зохицуулах хорооны тайланд үндэслэжээ.

Төрийн Думын Эрүүл мэндийн хамгаалах хорооны орлогч дарга Николай Говорин шинэ жилийн баярын дараа согтууруулах ундааны хэрэглээнээс үүдсэн өвчин эмгэгийн улмаас нас барах явдал нэмэгдэх хандлагатай байдгийг онцлон хэлж байсан билээ.

“Статистик тоо баримтаар цусны эргэлтийн тогтолцоотой холбоотой өвчнөөс үүдсэн нас баралт өндөр байдаг. Гэвч ид хөдөлмөрлөх насны хүмүүсийг авч үзвэл байдал өөр. Энэ насны хүмүүсийн нас баралтын шалтгааны нэгд согтууруулах ундааны хэрэглээ ордог. Архи орос эрчүүдийн амьдрах насыг 20 жилээр богиносгож байна” хэмээн Николай Говорин хэлжээ.

Эх сурвалж: РИА НОВОСТИ