С.Ням-Очир улсын аваргын дөрөв дэх түрүүгээ хүртлээ

Чөлөөт бөхийн насанд хүрэгчдийн 2018 оны улсын аварга шалгаруулах тэмцээн\УАШТ\ Орхон аймгийн “Хангарьд” спортын ордонд өнөөдөр өндөрлөлөө.

Монгол бөх олимпийн наадмаас анх медаль хүртсэний 50 жилийн ой, “Эрдэнэт үйлдвэр” ХХК-ийн 40 жилийн ойн нэрэмжит хүрээнд болсон УАШТ-д 25 байгууллагын 300 гаруй тамирчид өрсөлдлөө.

Дэлхийн бөхийн холбооны шинэчилсэн дүрмээр явагдсан улсын аваргын тэмцээн эрэгтэй, эмэгтэй тус бүр 10 жинд шилдгүүдээ тодрууллаа.

Өнөөдөр эрэгтэйчүүдийн 65, 86, 120 кг-ын жингийн барилдаан болж, аваргууд тодорсон.

65 кг-ын жинд нийт 30 бөх барилдсан бөгөөд тэдний дунд дэлхийн аваргын медальтнууд олон багтсан. Дэлхийн аваргын мөнгөн медальт, гавьяат тамирчин Б.Номин хүрэл медалийн төлөөх дагах барилдаан хийх байсан ч эмчийн магадлалаар барилдаагүй юм. Мөн энэ жингийн шилдэг бөхийн нэг “Алдар” спорт хорооны тамирчин Н.Лхамгармаа Г.Ханбүргэдэд ялагдаж, медальгүй буцлаа.

Шигшээ барилдаанд шалгарсан дэлхийн аваргын хүрэл медальт, гавьяат тамирчин Э.Ням-Очир улсын аваргын дөрөв дэх түрүүгээ хүртсэн.

Хамгийн хүнд жин болох 125 кг-д 30 бөх барилдлаа. Азийн аваргын мөнгө, хүрэл медальт Н.Золбоо шилдэг гэдгээ дахин харуулж, аваргын алтан медалийн эзэн болсон.

ДҮН:

ЭРЭГТЭЙ:

65 кг: \30 бөх\

Алтан медалийн төлөө: Э.Ням-Очир (Хилчин)

Мөнгөн медаль: Б.Батмагнай (Алдар)

Хүрэл медаль: Т.Тулга (Арслан), Г.Ханбүргэд (Даян бөх)

86 кг \16 бөх\

Алтан медаль: О.Үйтүмэн (Алдар)

Мөнгөн медаль:П.Өнөрбат (Хасумегастарс)

Хүрэл медаль: Б.Нямбаяр (Хүч), Г.Ганхуяг (Аваргууд)

125 кг: \30 бөх\

Алтан медалийн төлөө: Н.Золбоо (Хүч)