Чөлөөт бөхийн насанд хүрэгчдийн 2018 оны улсын аварга шалгаруулах тэмцээн\УАШТ\ өнөөдөр Орхон аймгийн “Хангарьд” спортын ордонд өндөрлөнө.

Монгол бөх олимпийн наадмаас анх медаль хүртсэний 50 жилийн ой, “Эрдэнэт үйлдвэр” ХХК-ийн 40 жилийн ойн нэрэмжит хүрээнд болж буй УАШТ-д 25 байгууллагын 300 гаруй бөхчүүд эрэгтэй, эмэгтэй тус бүр арван жинд өрсөлдөж байна.

Өнөөдөр эрэгтэйчүүдийн 65, 86, 125 кг, эмэгтэйчүүдийн 53, 62, 76 кг-ын жингийн барилдаан болж аваргууд тодорно.

Энэ цагт медалийн төлөө өрсөлдөх бөхчүүд тодроод байна. Өнөөдөр олон шилдэг бөхчүүд дэвжээнд гарсан.

Эрэгтэйчүүдийн 65, 125 кг-ын жинд тус бүр 30 тамирчин өрсөлдлөө.

65 кг-д барилдсан дэлхийн аваргын мөнгөн медальт, гавьяат тамирчин Б.Номин хүрэл медалийн төлөөх дагах барилдаанд эмчийн магадлалаар дэвжээнд гараагүй юм. Энэ жингийн аваргын төлөө гавьяат тамирчин С.Ням-Очир, Б.Батмагнай нар барилдахаар үлдээд байна.

Мөн 86 кг-ын жингийн шигшээ барилдаанд гавьяат тамирчин П.Өнөрбат, ОУХМ О.Үйтүмэн нар үлдлээ.

МЕДАЛИЙН ТӨЛӨӨХ БАРИЛДААН: \15.00 цагаас эхэлнэ\

ЭРЭГТЭЙ:

65 кг: \30 бөх\

Алтан медалийн төлөө: Э.Ням-Очир (Хилчин) – Б.Батмагнай (Алдар)

Хүрэл медаль: Т.Тулга (Арслан), Ханбүргэд (Даян бөх)

86 кг \16 бөх\

Алтан медалийн төлөө: П.Өнөрбат (Хасумегастарс) – О.Үйтүмэн (Алдар)

Хүрэл медаль: Б.Нямбаяр (Хүч), Г.Ганхуяг (Аваргууд)

125 кг\30 бөх\

Алтан медалийн төлөө: О.Мөнх-Эрдэнэ (Мэргэд хангай) – Н.Золбоо (Хүч)

Хүрэл медаль: Б.Гончигтавхай (Цастын барс), М.Лхагвагэрэл (Аварга)