Өнгөрсөн долоо хоногт Японы мэргэжлийн сумогийн Захирлуудын зөвлөл сумод гадаадын бөхчүүдийг хүлээн авах шинэ журмыг гаргажээ. Наран улсын биш бөхтөй дэвжээний багш нарт дахин гадаад бөхтөй болохыг уг шийдвэрээр хориглосон байна. Саяхан болтол зарим ояката нар өөрийн дэвжээнд гадаадаас шинэ бөхчүүдийг аван олон жил Японд амьдарсан тэдэнд Наран улсын иргэн болоход нь тусладаг  байв. Жишээлбэл Тацунами-бэй дэвжээнээс гурван монгол Японы харьяат болсон байлаа. Энэ хаврын бөхчүүд нэмэн авах ажлын дараа шинэ журам хүчин төгөлдөр үйлчилж эхлэх ажээ.