УИХ-ын дарга Хөвсгөл аймагт ажиллана

Хуучирсан мэдээ: 2011.08.11-нд нийтлэгдсэн

УИХ-ын дарга Хөвсгөл аймагт ажиллана

УИХ-ын дарга Д.Дэмбэрэл өнөөдрөөс Хөвсгөл аймагт ажиллахаар болоод байна. Орон нутагт ажиллах үеэрээ УИХ-ын дарга газар тариалангийн ажил байдалтай танилцахын зэрэгцээ ард иргэдтэй уулзахаар төлөвлөжээ. Дараа нь Булган аймагт ажиллах юм байна.

Үүнээс өмнө спикер Ховд аймагт томилолтоор ажиллаж, Дуут, Манхан, Чандмань сумдын ажил байдалтай танилцсаны зэрэгцээ баруун бүсийн босоо тэнхлэгийн Ховд-Манханы авто замын явц, бусад бүтээн байгуулалтын үйл ажиллагаатай танилцсан юм. Үүний дараа нутагтаа хэсэгхэн амарсан ч өнөөдрөөс аяллаа үргэлжлүүлээд буй нь энэ.

УИХ-ын даргыг дээрх хоёр аймагт ажиллахад УИХ-ын даргын зөвлөх Д.Батмөнх, УИХ-ын  Хэвлэл мэдээлэл, олон нийттэй харилцах хэлтсийн дарга Б.Золбаяр, УИХ-ын Тамгын газрын хууль сурталчлах албаны ажилтнууд, хэвлэл мэдээллийн байгууллагын сэтгүүлч, сурвалжлагчид дагалдаж байна.

Г.Дарь 
NewsMN Гар утасны хувилбар Татах
NEWS.mn

Мэдээллийн эх сурвалж