Бүртгэлтэй, ажилгүй иргэдийн 18.6 хувь нь дээд боловролтой | News.MN

Бүртгэлтэй, ажилгүй иргэдийн 18.6 хувь нь дээд боловролтой

Хуучирсан мэдээ: 2011.08.11-нд нийтлэгдсэн

Бүртгэлтэй, ажилгүй иргэдийн 18.6 хувь нь дээд боловролтой

Аймаг, нийслэлийн хөдөлмөр, халамжийн үйлчилгээний хэлтэс (ХХҮХ)-т бүртгэлтэй, ажил идэвхтэй хайж байгаа ажилгүй иргэдийн тоо 40.6 мянга болж, өмнөх оны мөн үеэс 3.5 хувиар өсчээ. Он гарсаар эхний долоон сарын байдлаар 39,9 мянган хүн тус хэлтэст шинээр бүртгүүлсэн нь сүүлийн гурван жилийн хамгийн өндөр үзүүлэлт ажээ.
Бүртгэлтэй ажилгүй иргэдийн тоо аймаг, нийслэлд хэрхэн өссөнийг графикаас хараарай.

Улаанбаатар хот болон зургаан аймагт доорх графикт үзүүлсэнчлэн тодорхой хувь хэмжээгээр өссөн нь ажилгүй нийт иргэдийн тооны өсөлтөд голлон нөлөөлжээ. Бүртгэлтэй ажилгүй иргэдийн 52.8 хувь нь урьд нь тодорхой ажил эрхэлж байсан, 47.2 хувь нь ямар нэг ажил эрхэлж байгаагүй болон ажил хайж анх удаа ХХҮХ-т бүртгүүлсэн иргэд байна.

Харин өнгөрөгч долдугаар сард ажилгүй 2866 хүн ажилд зуучлуулан орсон нь өмнөх оны мөн үеийнхээс 200 хүнээр, өмнөх сарынхаас 6472 хүнээр бага байна. Ажилд зуучлагдан орсон иргэдийн 88.2 хувь нь компани, хоршоо болон бусад байгууллагад, 11.8 хувь нь төрийн өмчит үйлдвэрийн газар, төсөвт байгууллагад оржээ

Тэгвэл энэ сард ХХҮХ-т 3169 ажилгүй хүн шинээр бүртгүүлсэн нь өмнөх оны мөн үеийнхээс 695 хүнээр, өмнөх сарынхаас 6657 хүнээр бага байна. Шинээр бүртгүүлсэн ажилгүй иргэдийн дотроос цалин бага гэсэн шалтгаанаар ажилгүй болсон иргэдийн тоо 37.6 хувь, орон тооны цомхотголоор 44.9 хувь, байгууллага татан буугдсан 49.4 хувь, мэргэжлийн ажил олдоогүй 54.7 хувь, сургууль, курс төгсөөд бүртгүүлсэн 61.1 хувь, цэргээс халагдсан 65 хувь, өөр газраас шилжиж ирсэн 69.1 хувь, бусад шалтгаанаар ажлаас гарсан иргэдийн тоо 70.6 хувиар тус тус буурчээ.

Бүртгэлтэй ажилгүй иргэдийн 18.6 хувь нь дээд, таван хувь нь тусгай дунд, зургаан хувь нь мэргэжлийн анхан шатны, 66.6 хувь нь бүрэн дунд ба суурь, 3.2 хувь нь бага боловсролтой, 0.6 хувь нь боловсролгүй хүмүүс байна.

Б.УНДРАЛ

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2011-08-11 49.0.152.63

HUDS shig mundag erdemtdeer duursen surguuli olon baina

Avatar

Зочин 2011-08-11 202.126.91.60

ЯДУУ АМЬДРАЛЫ МИНЬ ЗУЛАЙ ДЭЭР ЯРАГЧАН ЛУЙВАРЧАНГУУД СУУГААД
ЯРГАНИЙ МЭСЭЭ ҮСЭНД МИНЬ БЭЛҮҮДЭЖ ЭНЭЭЖ СУУХИЙГ ХАРААД
ЯАЙЖ БЭД ЭНЭЭХ ЮМ ВЭЭ УУР МИНЬ ХҮРЧ БАЙНА
УЛААН ГАЛ ШИГ ДҮРЭЛЗЭЖ БАЙНА

Avatar

зөгий 2011-08-11 202.180.216.226

Ажилгүй дээд боловсролтой хүний хувь 18 хувиас их байгаа Дипломоо үзүүлэхээс ичээд бүртгүүлээгүй нөхдүүд лав 50 хувь хүрсэн байх Ямар ч хэрэггүй хувийн олон дээд сургуулийг бүгдийг нь хааж тэдгээрийн оронд хуучнаар ТМС одоогийнхоор МСҮТ байгуулсан цагт ажилгүйдэл байхгүй болно МСҮТ байгуулах асуудлыг төр засаг бодлогоор дэмжих ёстой болов уу Манай ихэс дээдэс цөм хувийн дээд сургуультай болохоор энэ бүтэхгүй биз дээ

Avatar

Зочин 2011-08-11 182.160.18.135

БАЯНЗҮРХ ЗАХЫН УРД БАЙРЛАХ ашиглалтанд орсон 79м2 бүхий 2 өрөө ШИНЭ БАЙРЫГ м2-г 1100000 төгрөгөөр тооцож зарна Төлбөрийн 20 хувийг бэлнээр хийвэл үлдсэн 80 хувийн банкны урт хугацааны зээлд хамруулж болно

Утас 9192-5988 9913-7275

NewsMN Гар утасны хувилбар Татах
NEWS.mn

Мэдээллийн эх сурвалж