Тува улс байгуулагдсаны 90 жилийн ой, Өвөр хошууны 70 жилийн ойн хүрээнд зориулсан үндэсний соёл урлагийн олон улсын “Эв модны наадам” ирэх есдүгээр сарын 2-3-нд Тува улсын Өвөр хошууны Хандгайт тосгонд болох гэж байна. Тус наадамд Увс аймаг болон Тува улсын хил орчмын хошууд болох Эрзин, Тес-хем, Мөнгөн-тайга, Өвөр хошууныхан оролцох юм. Наадмын үеэр хамтлаг, уран бүтээлчдийн тоглолт, ардын гар урлалын бүтээлийн үзэсгэлэн, хүүхдийн гар зургийн уралдаан зэрэг олон сонирхолтой үйл ажиллагааг зохион байгуулах ажээ.
Б.Батбаяр