Бөхийн чөлөөт барилдааны Дэлхийн аварга шалгаруулах тэмцээний хошой хүрэл медальт, Ази тивийн аварга, залуучуудын дэлхийн аварга Э.Бэхбаярт “Эрдэнэт үйлдвэр” ХХК-ийн удирдлага, хамт олноос Улаанбаатар хотод 3 өрөө байр бэлэглэжээ.

Хан-Уул дүүргийн 16-р хороонд олгосон байрны батламжийг саяхан түүнд танилцуулжээ.

Э.Бэхбаяр нь 2015, 2017 оны Дэлхийн аварга шалгаруулах тэмцээнээс хүрэл медаль хүртэж, энэхүү амжилтыг нь үнэлэн Ерөнхийлөгчийн зарлигаар Монгол Улсын Гавьяат тамирчин цол хүртээсэн билээ.

Б.ЭНХ