НАТО-гийн удирдлага Ливийн Злитан хотын  ойролцоох сууринд цохилт хийхдээ энгийн 85 иргэдийн амь насыг хөнөөсөн гэх Ливийн удирдлагын мэдэгдлийг үгүйсгэж байна. Эвслийн төлөөлөгч хурандаа Ролан Лавуа (Roland Lavoie) энэ тухай мэдэгдэв.

Хэвлэлийн бага хурал дээр тэрээр хэлэхдээ энгийн хүмүүс үрэгдсэн гэх ямар нэгэн баримт баталгааг олоогүй гэж мэдэгдэв. Өмнө нь Ливийн Триполи дахь Засгийн газар наймдугаар сарын 8-нд Мажар тосгоныг НАТО бөмбөгдөх үеэр 20 эрэгтэй, 32 эмэгтэй, 33 хүүхэд амь алдлаа гэсэн байв.