Онцлох үйл явдал: Биткойн | News.MN

Онцлох үйл явдал: Биткойн

Хуучирсан мэдээ: 2017.12.31-нд нийтлэгдсэн

Онцлох үйл явдал: Биткойн

NEWS AGENCY онцолсон ОЛОН УЛСЫН чухал таван үйл явдлын нэг


2017 онд дэлхийн санхүүгийн зах зээлд гарсан том эргэлт бол цахим валют болох биткойн байлаа. Анх нэг ам.долларын үнэлгээтэй байсан биткойн энэ сарын 17-нд 20 мянган ам.долларт хүрсэн ч удалгүй түүний ханш 15 хувиар унасан юм.

Өдөрт есөн хувиар шахуу унаж байгаа биткойн хэмээх цахим валютын талаар Сингапурын мөнгөний бодлогын удирдах төвөөс цахим валютад хөрөнгө оруулах нь эрсдэлтэй гэдгийг анхааруулж байгаа тухай Ройтерс агентлаг мэдээлэв.

Мөн өнөөдөр цахим валютад наад захын хамгаалалт, зохицуулалт байхгүй байгаа нь хөрөнгө оруулагчид нэг дор бүх хөрөнгөө алдах эрсдэлтэй гэж Сингапурын төв банк мэдэгдэж байна. Биткойны энэ мэт эрсдэл дэлхийн санхүүгийн системийг унагах магадлалтай гэж шинжээчид таамаглаж байгаа ажээ.

– 2009 оны эргэн саная –

2009 оны нэгдүгээр сард анхны цахим валютууд дэлхийн санхүүгийн зах зээлд бий болсон. Тухайн үед цахим зоос нь нэг ам.долларын үнэлгээтэй байсан ч 2011 онд 10 ам.доллар, 2013 онд 100 ам.долларт хүрч үнэлгээ нь өссөн юм.

Үүний зэрэгцээ, Америкийн Zynga компани энэ салбарыг дэмжиж эхэлсэн нь биткойн үнэлгээг огцом хэлбэлзүүлжээ. Тодруулбал, биткойны  ханш 1000 ам.долларт хүрсэн ч 2014-2016 оны хооронд түүний үнэлгээ 600 ам.долларт хэлбэлзэж байв.

Гэхдээ 2017 оны хоёрдугаар сараас цахим валют дэлхийн зах зээлд эргэн ирсэн. Улмаар түүний ханш өсөж, 1235 ам.долларт хүрсэн удаатай. Мөн Япон улс албан ёсоор цахим валютыг гүйлгээндээ нэвтрүүлж эхэлсэн ажээ.

Япон улсын зах зээл дээрх эрэлт, хөрөнгө оруулагчдын итгэлтэй холбоотойгоор биткойн ханш улам өсөж, 2017 оны наймдугаар сар гэхэд 4000 ам.долларт хүрсэн юм. Тухайн үед шинжээчид биткойны ханш 5000 ам.долларт хүрнэ гэж таамаглаж байсан удаатай. 

Гэхдээ 2017 оны есдүгээр сарын эхэнд Хятадын ардын банк албан ёсоор цахим валютын биржүүдийн үйл ажиллагааг зогсоов. Улмаар биткойны ханш 35 хувиар буурсан ч удалгүй сэргэж, 10 мянган ам.долларт хүрч, дэлхийн санхүүгийн зах зээлд цахим валют байр сууриа бэхжүүлээд авав.

Дэлхий дээр ердөө 21 сая биткойныг олборлох боломжтой бөгөөд өнөөдрийн байдлаар 16.7 сая биткойн нь олборлогдчихсон байна. Хамгийн сүүлчийн биткойныг 2140 онд олборлоно гэсэн таамаг бий.

Өнөөдөр биткойн нь дэлхийн топ-5 валютын нэг болсон бөгөөд 291 тэрбум ам.долларын үнэлгээтэй байгаа ажээ. 

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

bilguun 2017-12-31 66.181.183.88

Бага багаар үнэгүй биткойн цуглуулахыг хүсвэл доорх сайт бүртгүүлээрэй. Хамгийн найдвартай сайт https://btcclicks.com/?r=e2567160 – Surf Ads гэсэн линк рүү орж гарч ирсэн линкүүд дээр нэг нэгээр нь дараад тодорхой хугацааны дараа капча бөглөөд койн цуглуулна. Сурталчилгаанууд байнга нэмэгдэж байдаг.Мөн дагагч бүрээсээ 80%-ийн бонус авч дансаа өсгөх боломжтой.

NewsMN Гар утасны хувилбар Татах
NEWS.mn

Мэдээллийн эх сурвалж