Хятадын Шаньси мужийн нийслэл дэх Fashion Walk Mall худалдааны төвд ирж буй нохой жилийг угтаж, аварга том нохойн баримал босгожээ. Гэхдээ энэ нь зүгээр ч нэг баримал биш, АНУ-ын ерөнхийлөгч Доналд Трампыг дуурайлгасан ажээ.

Аварга нохойн баримал Трампынх шиг шаргал үстэйгээс гадна хөмсгөө өргөж, долоовор хуруугаа гозойлгожээ. Мөн Трампын улаан зангиатай андуурахаар улаан ороолт хийсэн байна.

Нохойн баримлыг Трампыг дуурайлган хийсэн нь учиртай гэнэ. Тэрээр арван хоёр жилийн зурхайн зурлагааар 1946 онд төрсөн нохой жилтэй ажээ. АНУ-ын өмнөх ерөнхийлөгч Жорж Буш, Билл Клинтон нар ч мөн нохой жилтэй юм байна.

Арван хоёр жилийн зурхайн зурлагад бичсэнээр нохой жилтэй хүмүүс үнэнч, шударга, нөгөө талаар зөрүүд, түргэн ууртай, хувьсамтгай байдаг гэнэ.

Fashion Walk Mall худалдааны төв Трампыг дуурайлгасан аварга баримал босгосон нь анхны удаа биш юм. Өнгөрсөн жил  тэнд мөн аварга “алтан Трамп тахиа баримал” босгож байжээ.

эх сурвалж:AP