Онцлох үйл явдал: Хятадын коммунист намын ардын их хурал | News.MN

Онцлох үйл явдал: Хятадын коммунист намын ардын их хурал

Хуучирсан мэдээ: 2017.12.29-нд нийтлэгдсэн

Онцлох үйл явдал: Хятадын коммунист намын ардын их хурал

NEWS AGENCY онцолсон ОЛОН УЛСЫН 5 чухал үйл явдлын нэг

Хятадын Коммунист намын XIX Ардын их хурал өнгөрч буй 2017 онд тохиосон онцлох үйл явдлуудын нэг байлаа.

Таван жилд нэг удаа болдог хаалттай хуралд Си Жиньпин хийсэн ажил, ололт амжилтаа дүгнэж, ирэх таван жилийн эдийн засаг, улс төрийн төлөвлөгөөг танилцуулав. Тэрбээр 2300 төлөөлөгчдийн өмнө 205 минутын илтгэл тавьжээ. Намын хурлаар дээд шийдвэр гаргадаг улс төрийн товчооны байнгын хорооны удирдлагыг сэлбэсэн, Хятадын дарга Си Жиньпин 2022 он хүртэл намын удирдлагыг гартаа авсан хэвээр үлдэв. Өнгөрсөн оны аравдугаар сард намаас Си Жиньпинийг “манлай удирдагч” гэж цоллосон нь түүнийг Хятадын агуу удирдагчид Мао Зөдун, Дэн Сяопин нарын эгнээнд аваачсан юм. Намын их хуралд  Си Жиньпин 2050 он гэхэд Хятад улс дэлхийг тэргүүлэх улс болох ирээдүйн зорилтыг танилцуулжээ. Энэ нь Хятадын өнөө цагийн эрин үе дэх улс төрийн нягт нямбай байр суурь, эдийн засгийн үсрэнгүй хөгжил, ядуусын тоог үе шаттай бууруулах, гадаад ертөнц дэх байр сууриа бэхжүүлж, худалдаа наймааны шинэ үеийг авч ирэх төлөвлөгөө юм.

Санхүүгийн шинэчлэлт биш эдийн засгийн өөрчлөлт

Си Жиньпин эдийн засгийн инновацийг дэмжиж, хэрэглээний зардлыг нэмэгдүүлж, санхүүгийн эрсдэлийг тооцоолсноор Хятадын эдийн засгийг илүү хүчирхэгжүүлнэ хэмээн мэдэгдэв. Гэхдээ тэрбээр 1980-1990 оны хооронд Хятадын эдийн засгийг огцом өсгөсөн Дэн Сяопиний санхүүгийн шинэчлэлтээс илүү эдийн засгийн өөрчлөлтийг дэмжих гэнэ. Түүний илтгэлд зах зээл гэдэг үг ердөө 19 удаа давтагдсан нь өмнөх дарга нарынхаас хамгийн бага байв. Тэрбээр төрийн өмчит аж ахуй нэгжүүдийг том, хүчтэй байхаас илүү үр дүнтэй ажиллагааг анхаарч, банкны дүрэм журмыг чангатгах аж.

Си Жиньпин илтгэлдээ өмнөх удирдагчдын үед дурдагдаж байсан хөгжиж буй эсвэл ядуу буурай гэх хэллэгийг огт дурсаагүй. Харин ч “агуу хүч” эсвэл хүчирхэг гүрэн” гэх үгийг 26 удаа хэлжээ. Си Жиньпин өнгөрсөн таван жилд Хятадын даргаар ажиллах хугацаанд дотоодын нийт бүтээгдэхүүн 54 их наяд юань байснаас 80 их наяд юань болж өссөн аж. Өнгөрсөн таван жилийн дотор 60 сая хүнийг ядуурлаас гаргаж, ажил төрөлтэй болгосон амжилтаа бахархалтайгаар мэдэгджээ. Тэгвэл 2035 он гэхэд дахин 50 сая иргэний амьжиргааны түвшнийг дээшлүүлэх зорилт тавьсан байна.

Хамтын ажиллагааг дэмжиж, улс төрийн нөлөөгөө нэмэгдүүлнэ

Си Жиньпин “Нэг бүс-Нэг зам” санаачилгын хүрээнд авто зам, төмөр зам барих, дэд бүтцийн төслүүдээр дамжуулан Хятадын эдийн засаг, улс төрийн нөлөөг нэмэгдүүлж, олон улсын хамтын ажиллагаа, глобал эдийн засгийн интеграци, дэлхийн хөгжлийг дэмжихээ зарлав. Эртний торгоны замыг дагасан Ази Европыг холбох “бүс-зам” санаачилгыг 2013 онд амжилттай эхлүүлж, 50 гаруй орны дэмжлэгийг аваад байна. 

Бээжин нь өнгөрсөн таван жилийн хугацаанд Өмнөд  болон Зүүн Хятадын тэнгис дэх ашиг сонирхлоо хамгаалахын тулд хиймэл арал барьж, цэргээ байршуулснаар Азийн хөрш орнууд болон АНУ-ын тэнгисийн цэрэгтэй багагүй зөрчилдсөн юм. Энэ талаар Си Жинпин зайлшгүй зөрчилд бэлтгэлтэй байж, зэвсэглэлээ сайжруулж, алба хаагчдын ур чадварыг нэмэгдүүлэхэд анхаарахаа мэдэгджээ. Олон улсын улс төрийн тавцанд Хятадын оролцоо нэмэгдэж, Ойрхи-Дорнод, Африкт нөлөөгөө нэмэгдүүлсээр байна. 

Б.АНХТУЯА

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-12-29

Бидний улс эв саналаа нэгтгэн хэмээн эхэлдэг агуу Сүх жанжны үгийг амьдрал болговол бид хөгжих магадлал бий. Түүнээс биш намаар талцаж жалгаар хуваагдаад шоргоолжны хоол нь болсон түүхтэй шүү монголчуудаа. Эв нэгдэл өөр юу ч биш

Avatar

HEHE 2017-12-29 103.57.95.169

ЭНЭ ХУРАЛ ЧИНЬ ОДОО БОЛТОЛ ДУУСААГҮЙ Л БАЙГААМ УУ ХАХАХАХАХА

Avatar

зочин 2017-12-29 66.181.160.24

Урд , хойд хөршүүдийг маань ардчилсан аргаар удирдах боломжгүй . Монголыг ардчилсан БУС аргаар удирдах боломжгүй юм даа.

Avatar

hehe 2017-12-29 103.57.95.169

АРДЧИЛСАН МОНГОЛ УЛС АЛЬ АЛИНД НЬ ИХ ГАЙ ТАРЬНА. ХЭРЭВ ЭНЭ ХОЁР УЛСАД АРДЧИЛАЛ ГАРВАЛ ШУУД СӨНӨНӨ

Avatar

Зочин 2017-12-29 202.179.24.75

Шагнал гардуулах гэж байгаа юм шиг улаан хивс энэ тэр.

Avatar

Зочин 2017-12-29

уг нь хажжууханд маань гайхалтай үлгэр авах үйлдэл, үйл ажиллагаа хийгээд амжилтанд хүрээд байхад үүнээс л суралцах юмсан. манай ерөнхийлөгч нар бүгд л мафийн бүтэцтэй, зохион байгуулалтанд байхлаар яаж шинэчлэгдэх тухай байх билээ…шинэ ерөнхийлөгч минь бүү тэр зүг үрүү хазайгаасай билээ…монголчууд хөх тэнгэрээс заяатай, хийморьтой ард түмэндээ. монгол үнэрээр ялна. харин хэзээ бол…та л тунхагласан хүн шүү ерөнхийлөгч өө өө…харж байна дэмжиж байна аа

Avatar

CloudMining hiij mongo olooroi 2017-12-29 103.26.194.211

Hashflare сайтаас 300$ оор 1 жилийн хугацаатай гэрээ хийхэд олборлолт хийх биткойны тоо, дүнгээр. 1btc=15800$ үед бодов.
1өдөрт 0.00028659 BTC = 4.67 USD
1долоо хоногт 0.00200613 BTC = 32.67 USD
1сард 0.0085977 BTC = 140.01 USD
Хагас жилд 0.0515862 BTC = 840.09 USD
1жилд 0.10460535 BTC = 1,703.51 USD

https://hashflare.io/r/64DD2F65 – р бүртгүүлээд 5% – HF17PROF5 хөнгөлөлтийн кодыг ашиглаарай.
http://profit.hashflare.eu/en — Та өдөр,сар жилд олж болох олборлолтоо урьдчилан тооцож үзэх.

Avatar

Зочин 2017-12-29 202.9.43.67

тусгаар тогтнолоо авч үлдээж чадах УДИРДАГЧТАИ ЗӨВ МЭРГЭН БОДЛОГТОИ баивал хөршийн хүчийг хүрэх гэсэн замыг сааруулж нөлөөлж чадахгүигээс хоиш ХҮРТЭЖ БОЛОХ баялагаас бид чадлынхаа хэрээр хүртэж л таараа.МОНГОЛ ХҮНИЙ САРУУЛ УХААНД БИ ИТГЭДЭГ гэх С ЗОРИГИЙН ҮГИЙГ санаж явууштаи

NewsMN Гар утасны хувилбар Татах
NEWS.mn

Мэдээллийн эх сурвалж