Цагийн урсгалд туугдаж одсон ч үнэ цэнээ алдаагүй нэгэн үе эргэн ирж буй сэтгэгдэл төрөхүйц уянгалаг чамин аялгуу, содон соргог мэдрэмжийг пянзны гайхамшигтай дуугаралтаас авч, дэлхий дахинд эргэн ирсэн пянзны эрин давалгаа Монгол улсад маань ч гэсэн дэлгэрээд байна. 

Өөрсдийн мэдрэмж, сонирхлоороо нэгдэж, түүндээ дурлан шимтэж, гайхан биширдэг залуус хүртэл өөрсдийн группээ байгуулан пянз тоглуулагчийн тухай түүнийг хэрхэн сонгох, арчлах мөн өөрт байгаа пянзнуудаа хоорондоо солилцох, шинээр гарсан пянзнуудын тухай хуучилж бусдадаа санал болгох гээд пянзны тухай сонирхолтой мэдээллийг хуваалцаж байдаг “Пянз цуглуулагчдын клуб”-ийнхэн өчигдөр Саммит Компьютер Технологи ХХК-тай хамтран өөрсдийн уулзалтыг зохион байгуулсан юм. 

“Саммит Компьютер Технологи” ХХК-ийн PC Mall сүлжээ дэлгүүр нь пянз сонирхогчдод зориулан дэлхийд нэртэй шилдэг технологи бүхий пянз тоглуулагч болон алдартай уран бүтээлчид болон шинээр гарч буй уран бүтээлийг шингээсэн пянзнуудыг хэрэглэгч олондоо худалдаалдаг билээ. 

Энэхүү уулзалтаар Пянз цуглуулагчдын группийн гишүүд пянзны дуугаралтын гайхамшгийг бусадтайгаа хуваалцаж, өөрт байгаа пянзнуудыг дэлгэн үзүүлж, солилцох зэрэг маш халуун дотно уур амьсгал бүрдсэн үйл ажиллагаа болсон бөгөөд энэ үеэр PC Mall дэлгүүрийн зүгээс дэлгүүрт худалдаалагдаж буй бүх пянзнууддаа хямдрал зарлаж маш хямд үнээр уран тансаг аялгуут пянзыг худалдан авах боломжийг олгосон нь Пянз сонирхогч, цуглуулагчдыг дэмжиж, аялгуу хөгжмийн мэдрэмжийг авч буй хүмүүст маш сайхан завшаан болсон юм. 

Мөн PC Mall дэлгүүр болон Пянз цуглуулагчдын клубыг санаачлагч СГЗ шог зураач С.Цогтбаяр группийн гишүүддээ Шинэ жилийн баярыг угтаж группийнхээ гишүүд дунд сонирхолтой номинациудыг дэвшүүлэн шилдгүүдээ тодруулж гарын бэлэг гардуулан нэг өдрийг баяр хөөртэй, уран тансаг аялгууг гайхан биширч өнгөрүүлсэн юм. 

Та ч гэсэн тэдэнтэй нэгдэх боломжтой бөгөөд фейсбүүк хуудаснаас “Пянз цуглуулагчдын клуб” нэртэй группт нэгдэж болох бөгөөд үүнээс гадна танд зориулан шилдэг технологи бүхий пянз тоглуулагч, маш олон уран бүтээлийг пянзыг PC Mall дэлгүүрээс сонгон авахыг уриалж байна.