Усан санд үржүүлээгүй байгалиас нь барьж олборлосон загасны эрэлт байнга нэмэгдэж байгаа учраас үнэ нь нэмэгдэх нь тодорхой хэмээн ОХУ-ын Загас олборлолтын агентлагийн тэргүүн Илья Шестаков Мягмар гаригт /2017.12.26/ сэтгүүлчдэд мэдэгдлээ.

“Байгалийн зэрлэг загас олборлох хэмжээ хязгаартай гэдгийг санах хэрэгтэй. Төрөөс тогтоосон хязгаарын тоонд баригдан загас олборлодог. Квот нэмэгдэхгүй учраас экологийн цэвэр загасны үнэ нэмэгдэх нь тодорхой” хэмээн Илья Шестаков хэлжээ.

Үүний хажуугаар загас үржүүлгийн газрыг олноор байгуулах шаардлага тулгарч байгааг тэр хэлсэн байна. Ингэсэн нөхцөлд үнэ нь ч тогтвортой байхыг тэр онцолжээ.

Эх сурвалж: РИА НОВОСТИ