ОХУ-ын Байгаль орчны яам “Улаан ном”-ын шинэчилсэн хувилбарыг баталлаа хэмээн тус яамны Байгаль хамгааллын төрийн бодлого, зохицуулалтын албаны орлогч дарга Игорь Давыдов РИА Новости-д мэдээллээ.

Шинэчилсэн хувилбараар тоо толгой нь цөөрч байгаа зарим нэг амьтныг нэмж агнахыг хориглосон жагсаалтад оруулсан бол тоо толгой нь нэмэгдсэн амьтдыг энэ жагсаалтаас хасчээ. Энэ жагсаалтад 1998 оноос хойш өөрчлөлт оруулаагүй байсныг Игорь Давыдов онцолсон байна.

Ер нь жагсаалтыг 10 жил тутам шинэчилж байх нь зөв гэсэн байр суурийг Байгаль орчны яам баримталж байгаа ажээ.

Эх сурвалж: РИА НОВОСТИ