Шатрын олон улсын мастер Б.Мөнгөнтуул олон улсын ээлжит тэмцээнээс тэргүүн байр хүртлээ. Тэрбээр Испанийн Ситмэс хотноо болсон “Sunway Sitges open” эмэгтэйчүүдийн нээлттэй тэмцээнд оролцон, есөн өрөг тоглохдоо дөрөв хожиж, дөрөв тэнцэн, зургаан оноо авчээ. Тэмцээн арванхоёрдугаар сарын 14-23-ны хооронд болсон юм. 

олон улсын мастер Б.Мөнгөнтуул үүний өмнө Английн Лондон хотноо болсон “London chess classic” олон улсын нээлттэй тэмцээнд оролцож, мөнгөн медаль хүртсэн. Удаан хугацаанд шатрын хөлгийн ард суугаагүй Их мастер ийнхүү олон улсын тэмцээнд оролцож,  чансааны оноогоо ахиулж эхэллээ.