Засгийн газрын ээлжит хуралдаан үргэлжилж байна. Тус хуралдаан 13.00 цаг өнгөрч байхад эхэлсэн юм. Энэ өдрийн хуралдаанаар нийт 10 асуудал хэлэлцэхээр төлөвлөжээ. Үүнд Зарим улстай дипломат харилцаа тогтоох тухай, Байнгын төлөөлөгч томилох тухай зэрэг асуудал багтаж буй юм. Мөн Сангийн сайдын тайлбарласнаар Монгол Улсыг хар жагсаалтад багтаасан Европын холбооны шийдвэрийг хэлэлцэж, түүнээс гарах арга замыг эрэлхийлэх юм.

Хэлэлцэх асуудалд:

• Ус бохирдуулсны төлбөрийн тухай хуульд нэмэлт өөрчлөлт оруулах тухай
• Агаарын тухай хуульд нэмэлт өөрчлөлт оруулах тухай хуулийн төсөл
• Журам шинэчлэн батлах тухай
• Ховд, Чойбалсан, Багануур хотуудын 2030 он хүртэлх хөгжлийн ерөнхий төлөвлөгөө батлах тухай
• Газрын эдийн засгийн үнэлгээ хийх аргачлал батлах тухай
• Газрын үнэлгээний бүс, суурь үнэлгээ, төлбөрийн хувь хэмжээг шинэчлэн тогтоох тухай
• Бусад асуудал
• Танилцуулахаар:
• Үндэсний статистикийн хорооны зөвлөлийн гишүүнд нэр дэвшүүлэх талаар
• Ойг тэмдэглэн өнгөрүүлсэн дүнгийн талаар
• Зам тээврийн хөгжлийн сайдын гадаад томилолтын дүн багтаж байна.

Г.ХОРОЛ