Гэр бүлийн амьдралд олон зүйлийн асуудал гардаг. Тэрийг эхнэр, нөхөр аль аль нь ухаалгаар шийдвэрлэснээр гэр бүлийн амьдрал бат бөх, аз жаргалтай байдаг.

-Сэтгэл хөндийрөх,
-Итгэл алдах,
-Ханьдаа сэтгэл дундуур болох… зэрэг олон асуудал тулгардаг.
Гэр бүлийн аз жаргал гэж юу вэ? Энэ бол ханьдаа итгэх итгэл юм.
Хэрэв хосууд нэг нэгнээ хүндэлдэг, бие биенээрээ бахархдаг, бие сэтгэлийн ханамж авч чаддаг бол хэзээ ч бие биенээсээ урвахгүй. Судлаачдын үзэж буйгаар тохиолдлын сонирхол, шохоорхол нь сэтгэл хувирах нэг шалтгаан болдог байна.

Эрэгтэй эмэгтэй хүмүүсийн хоорондын харьцаа, нөхөрлөл, нэг нэгнээ хайрлан халамжлах нь жинхэнэ хайр сэтгэлийг бий болгодог ажээ. Шинэ хүнтэй танилцаж шинэхэн мэдрэмж амтлах нь сайхан бөгөөд түүнээс зугатаах маш хэцүү байдаг. Гэвч гэр бүлийнхээ төлөө далд нууц холбоогоо шууд бүрмөсөн таслах нь зүйтэй.

Ингэхийн тулд:
-Удаан хугацаагаар хол явах,
-Ажлаар дарж өөрийгөө завгүй байлгах,
-Сонирхолтой зүйлээр оролдох, цаг нөхцөөх зэргээр өөрийгөө өөрчлөхийг хичээх хэрэгтэй.
Удаан хугацаагаар гэр бүлээсээ хол хөндий байх нь амраг хосуудын сэтгэл хувирах нэг шалтгаан болдог. Зарим эрчүүд манай эхнэр одоо надаас салахаасаа өнгөрсөн гэсэн үзлээр ханддагаас өөртөө таалагдсан эмэгтэйчүүдтэй чөлөөтэй үерхэж харьцаанд ордог.

Ихэнх эрчүүд үүнийгээ гэр бүлээсээ, ханиасаа сэтгэл урваж байна гэж үздэггүй. Тэд хэзээ ч гэр амьтай байдаг нь олзуурхууштай. Гэтэл эмэгтэйчүүд өчүүхэн төдий сэжиг авмагц эр нөхрөө гэр бүлээсээ урвасанд тооцож, салах шийдвэр гаргадаг гэмтэй.

Иймэрхүү үйлдэл нь айл гэрийн амьдралд нөхөж болшгүй хохирол авчирдаг тул хэн хэн нь хүлээцтэй хандах хэрэгтэй. Зарим гэр бүл, хүүхдээ хэт анхаарснаас өөрсдийнхээ амьдрал, харьцаа зэргийг гаргуунд нь хаячихдаг. Энэ нь гэр бүлийн хоёрын хоорондох зөрүүг улам нэмж зөрөлдөөнийг ихэсгэдэг муу талтай.