Аюулгүйн зөвлөл Трампын шийдвэрт хориг тавина

Хуучирсан мэдээ: 2017.12.17-нд нийтлэгдсэн

Аюулгүйн зөвлөл Трампын шийдвэрт хориг тавина

Аюулгүйн зөвлөл Трампын шийдвэрт хориг тавина

НҮБ-ын Аюулгүйн зөвлөлөөс Иерусалим хотын статусыг өөрчлөхийн эсрэг тогтоолын төсөл боловсруулж, АНУ-ын ерөнхийлөгч Дональд Трампын Элчин сайдын яамаа нүүлгэх шийдвэрт хориг тавихаар ярилцаж байна.

Египетийн талаас боловсруулсан тогтоолын төслийг маргааш (2017.XII.18) хэлэлцүүлэхээр болжээ.

АНУ-ын ерөнхийлөгч Дональд Трамп арванхоёрдугаар сарын эхээр Иерусалим хотыг Израилийн нийслэлээр хүлээн зөвшөөрч, Тель Авиваас Элчин сайдын яамаа нүүлгэхээр болсноо мэдэгдсэнээр олон улсад хүчтэй эсэргүүцэл дагуулсан юм.

Тогтоолын төсөлд Иерусалим хотын статусыг хэлэлцээрийн зарчмаар шийдвэрлэхээр тусгасныг “AFP” агентлаг мэдээлжээ.

Түүнчлэн Иерусалим хотын статусын талаар аливаа шийдвэр, мэдэгдэл нь олон улсын хуулийн хэмжээнд хүчин бус гэдгийг тогтоолын төсөлд онцлон тусгасан аж. Хэрэв АНУ-аас тогтоолын төслийн санал хураалтад Аюулгүйн зөвлөл дэх хориг тавих эрхээ эдлэхгүй бол бусад гишүүн орнууд санал нэгтэйгээр дэмжихийг дипломатууд мэдэгджээ.

Эх сурвалж: Agence France-Presse

Б.ТУЯА

NewsMN Гар утасны хувилбар Татах
NEWS.mn

Мэдээллийн эх сурвалж