ОХУ-ын Холбооны зөвлөл Ерөнхийлөгчийн ээлжит сонгуулийг 2018 оны гуравдугаар сарын 18-нд зохион байгуулахыг санал нэгтэй дэмжсэн байна. Одоо дээрх шийдвэрийг тав хоног буюу арванхоёрдугаар сарын 20-ны дотор сонинд хэвлэж, олон нийтэд албан ёсоор зарлах ажээ.

Ирэх сонгуульд 23 хүн өрсөлдөхөө мэдэгдээд байгаа юм. ОХУ-ын Сонгуулийн ерөнхий хорооны хэвлэлийн албаны мэдэгдсэнээр сонгуулийн товыг хууль ёсны сонин, цахим хуудсанд хэвлэн нийтэлснээр сонгуулийн сурталчилгаа албан ёсоор эхлэх ажээ.

С.ЦЭЛМЭГ