Ажлын цагт амжуулан номын сангаас ном авах гэж дугаарлах, яарах шаардлагагүй болжээ. БНХАУ-ын Хэбэй мужийн Бажоу хотод 24 цагаар ном олгох ухаалаг номын сан өчигдөр буюу энэ сарын 14-д албан ёсоор нээлтээ хийж, олон нийтэд үйлчилгээ үзүүлээд эхэлсэн байна.

Тус номын сан нь Бажоу хотын номын сангийн салбар бөгөөд 3000 гаруй номын архивтай төдийгүй үнэгүй утасгүй интернеттэй. Ухаалаг номын сан нь хотын иргэдэд өөртөө үйлчлэн ном авах, буцаах гэх мэт боломжийг олгохоос гадна үйлчилгээг илүү хялбар болгосноороо давуу талтай хэмээн номын сангийнхан онцолжээ.

Эх сурвалж: CCTV