Apple компани түүхэндээ хамгийн үнэтэй компьютер iMac Pro-г худалдаанд гаргалаа.

Өндөр хүчин чадал бүхий уг компьютерыг анх өнгөрсөн зургадугаар сард танилцуулсан бөгөөд албан ёсоор өчигдрөөс /2017.12.14/ худалдаалж эхэлжээ. Компанийн зүгээс энэ бүтээгдэхүүнээ хамгийн хурдан бөгөөд хамгийн хүчирхэг Mac гэж тодотгосон юм.

iMac Pro-гийн үнэ 4999 ам.доллараас эхэлнэ. Хамгийн өндөр хүчин чадалтай, хамгийн хурдан загвар нь 13 мянган ам.доллар давах гэнэ.

27 инч дэлгэцтэй, бүүдгэр саарал өнгөтэй iMac Pro 8, 10 ба 18 цөмт Xeon процессортой учир real-time 3D рендер, видео засварлах, виртуал реалити загвар бүтээх зэрэг мэргэжлийн хэрэглэгчдийн хүсэл, шаардлагад нийцжээ.

С.ЦЭЛМЭГ