Дээрхийн гэгээнтэн XIV Далай ламын албан өргөөнөөс түүний айлчлал, айлдварын талаарх мэдээллийг цаг тухай бүрт нь мэдээлэх аппликэйшн бүтээжээ. Зөвхөн iPhone утсанд ашиглах боломжтой апп-ыг үнэ төлбөргүй татаж авах боломжтой бөгөөд Далай ламын мэдээ, мэдээлэл, видео бичлэг, гэрэл зураг бусад шаардлагатай мэдээллийг агуулсан байх гэнэ. Апп нь Dalai Lama нэртэй юм.

Өмнө нь Ромын Католик сүмээс 2013 онд Pope /Пап/ хэмээх апп гаргаж байсан юм. Өөр бусад шашны тэргүүн нарын айлдвар, номлол, мэдээ, мэдээллийг шуурхай хүргэх апп-ууд ч бас байдаг.

Дашрамд, өдгөө 82 настай, Түвдийн оюун ухааны удирдагч Далай ламын твиттер хаяг 16 сая дагагчтай ажээ.

С.ЦЭЛМЭГ