Фолк рок урсгалаар уран бүтээлээ туурвидаг “Алтан Ураг” хамтлагийнхан өнгөрсөн долдугаар сард “CNN”-ийн сэтгүүлчтэй уулзаж, ярилцлага өгсөн талаар бид мэдээлсэн. Дэлхийн хурдацтай хөгжиж буй орнуудыг судлах зорилготой Монголд ирээд байгаа CNN телевизийн сэтгүүлч, зураглаачтай “Алтан Ураг” хамтлагийнхан уулзаж, хамтлагийнхаа болон Монголынхоо талаар ярилцаж байсан бол саяхан тус хамтлагийн тоглолтын бичлэгийг хийжээ. CNN телевизийнхэн “Алтан Ураг” хамтлагийн “Их Монгол” ресторанд тоглож байх үеэр бичлэг хийсэн байна. Тэд энэ талаараа хамтлагийнхаа FB хуудсанд бичсэн бөгөөд нэмэлт зургийг оруулжээ.