Монголын үндэсний бөхийн холбооноос өнгөрсөн цагаан сарын барилдаанаас эхлэн Улсын наадам, Ардчилсан хувьсгалын 28 жилийн ой зэрэг нийт 23 барилдааны дүнг тооцож, шинэчилсэн чансаа гарган, танилцууллаа.

Үндэсний бөхчүүдийн чансааны жагсаалтыг улсын харцага О.Хангай тэргүүлж, улсын харцага Б.Бат-Өлзий удаалжээ.

Улсын гарьд Ө.Бат-Орших, улсын заан Н.Жаргалбаяр, улсын арслан Н.Батсуурь эхний тавд бичигдсэн байна. Мөн улсын арслан Э.Оюунболд 14, улсын арслан П.Бүрэнтөгс 17, улсын аварга Ч.Санжаадамба 18 дугаар байрт бичигджээ.

Улс, аймгийн цолтон 240 бөх жагсаалтын эхний 10-т дараах бөхчүүд багтжээ.

1. Улсын харцага О.Хангай /26778 оноо/
2. Улсын харцага Б.Бат-Өлзий /24969 оноо/
3. Улсын гарьд Ө.Бат-Орших /19872 оноо/
4. Улсын заан Н.Жаргалбаяр /17151 оноо/
5. Улсын арслан Н.Батсуурь /16778 оноо/
6. Улсын заан Б.Пүрэвсайхан /14542 оноо/
7. Улсын начин Э.Даш /13380 оноо/
8. Улсын арслан Р.Пүрэвдагва /12683 оноо/
9. Улсын харцага Т.Баасанхүү /12605 оноо/
10. Улсын арслан Ц.Содномдорж /12515 оноо/

Чансааны шинэчилсэн дүнг ЭНД дарж үзнэ үү.

Монголын үндэсний бөхийн холбооноос энэ сард таван барилдаан бзохион байгуулна. Ирэх амралтын өдрүүдэд буюу арванхоёрдугаар сарын 16-нд өсвөрийн бөхийн ээлжит барилдаан болох бол 17-нд Богдхан хайрханы хишиг барилдаан Монгол бөхийн өргөөнд болох ажээ.