“Шивээ овоо” компанийн ил уурхайн нүүрс хатаах үйлдвэр ашиглалтанд ороход бэлэн болсон ч барилгын ажил бүрэн дуусаагүйгээс энэ долоо хоногт нээлтээ хийхээр зарлаад байснаа хойшлуулжээ. Тус үйлдвэр горимдоо орж ажиллах хүртэл хугацаа хэрэгтэй тул нээлтийг ирэх есдүгээр сард хийхээр болжээ.

Нүүрсний илчлэгээс хамааран Шивээ овоо компанийн борлуулалт муу байсан бол энэхүү үйлдвэр ашиглалтанд орсноор санхүүгийн байдал нь дахин сэргэх магадлалтай. Учир нь Шивээ овоо компанийн хувьд нүүрс нь чийг ихтэй нойтон болсноос борлуулалтанд нөлөөлсөн хэмээн үзэж буй болохоор хатаан борлуулахаар болжээ. Нүүрсээ хатаах үед халуун чийг ашиглана. Хатсан нүүрсийг конвейроор дамжуулан зууханд шатаан эцсийн бүтээгдэхүүнийг гаргах юм байна.