Тухайн жилийн чиг хандлага өвөрмөц урсгалуудыг үйлчилгээнд нэвтрүүлэх зорилгоор зохион байгуулдаг нийслэлийн аварга шалгаруулах үсчин, гоо засалч, хумс дизайн урлалын “Улаанбаатар-2017” тэмцээн амжилттай болж өндөрлөлөө. Энэ жил арав дахь удааагаа болж буй уг тэмцээнд Сүхбаатар дүүргээс Видал, Грийс, Болор, Хос шагай, Лакме, Мерак, J салон, Сити дээд сургууль, Үйлдвэрлэл, урлалын политехник коллежийн оюутнуудаас бүрдсэн нийт 50 гаруй мэргэжлийн үсчин, хумс дизайн урлал, гоо засалчид амжилттай оролцсон юм. Ингээд тэмцээний нийлбэр дүнгээр Сүхбаатар дүүрэг “Улаанбаатар-2017” тэмцээний “Шилдэг дүүрэг”-ээр шалгарч, Улаанбаатар хотын Захирагчийн ажлын алба, МҮГЗХ-ны өргөмжлөлөөр шагнуулав. Тэмцээний амжилтаас дурьдвал,

1. Нийслэлийн аварга эмэгтэй үсчнээр Грийс салоны үсчин Б.Ичинноров шалгарч, Гранпри шагналаар;

2. Нийслэлийн аварга эрэгтэй үсчнээр Хос шагай салоны үсчин Y.Цацралтуяа шалгарч Гранпри шагналаар;

3. “Шилдэг сургууль” шагналаар Үйлдвэрлэл, урлалын политехник коллеж;

Ганцаарчилсан төрөлд:

• Эрэгтэй креатив төрөлд Видал салоны Б.Уртнасан мөнгөн медаль;

• Эмэгтэй салоны тайралтын төрөлд Видал салоны Ө.Цэлмэгсайхан хүрэл медаль;

• Тайзны нүүр будалт төрөлд Болор салоны О.Отгонтуул алтан медаль;

• Хуримын нүүр будалт төрөлд Сити дээд сургуулийн оюутан Б.Отгонбаатар мөнгөн медаль;

• Биен дээрх будалт төрөлд Сити дээд сургуулийн оюутан Н.Энхчимэг алтан медаль, Грийс салоны А.Урангоо мөнгөн медаль;

• Миксмедиа хумс урлал төрөлд Сити дээд сургуулийн оюутан Г.Одонтунгалаг алтан медаль;

• French хумсыг акрилаар бүрэх урлал төрөлд Сити сургуулийн оюутан Н.Аминхүслэн тусгай байр;

• Үндэсний хэв шинжийг харуулсан уламжлалт авангард үс самналтын бэлэн бүтээлийн төрөлд ҮУПК-ийн оюутан Н.Оюунчимэг алтан медаль, ҮУПК-ийн оюутан Д.Золзаяа мөнгөн медаль;

• Уран сэтгэмжийн нүүр будалтын бэлэн бүтээлийн төрөлд ҮУПК-ийн оюутан Г.Баярдэлгэр алтан медаль, Грийс салоны А.Урангоо мөнгөн медаль;

• Уран сэтгэмжийн нүүр будалтын бэлэн бүтээлийн төрөлд Сити сургуулийн оюутан Э.Янжинлхам алтан медаль,ҮУПК-ийн оюутан Б.Цэндгэрэл мөнгөн медаль, Сити сургуулийн оюутан Э.Янжинлхам хүрэл медаль;

• Уран сэтгэмжийн хумс урлалын бэлэн бүтээлийн төрөлд Сити дээд сургуулийн оюутан Г.Одонтунгалаг тусгай байр, ҮУПК-ийн оюутан Г.Хөтөлсайхан тусгай байрт тус тус шалгарлаа.

Эх сурвалж: СБД