ӨНӨӨДӨР АРВАНХОЁРДУГААР САРЫН 11

ХОТЫН ЦАГ АГААР

Үүлшинэ. Цас орохгүй. Салхи  хойноос секундэд 5-10 метр. Шөнөдөө Яармаг-Сонгины орчмоор 28-30 градус, бусад хэсгээр 25-27 градус, өдөртөө 13-15 градус хүйтэн байна.

Үс засуулахад тохиромжгүй өДӨР

Сумъяа гараг. Билгийн тооллын 24, Харцага одтой, хар бич өдөр. Өдрийн наран 8 цаг 35 минутад мандан, 17 цаг 02 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сан тавиулах, угаал үйлдэх, бүжиг наадам хийх, цэцэрлэг байгуулах, хур оруулах, дарханы үйлд сайн. Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.

ӨНӨӨДӨР БОЛОХ ҮЙЛ ЯВДАЛ

09.00

• Эрүүл мэндийн хичээлийг тусад нь оруулдаг болгох, хөтөлбөртэй болгох зорилготойгоор ЭМЯ, НЭМҮТ, НҮБ-ын Хүүхдийн сангаас Боловсролын салбарынхантай уулзалт хийнэ. Уулзалт 12.00 цаг хүртэл үргэлжлэх ба ‘Континенталь’ зочид буудлын сургалтын танхимд болно.
• ‘Нийтийн ашиг сонирхлыг шүүхэд нэхэмжлэн хамгаалах нь’ сургалт Нээлттэй нийгэм форумын байранд болно. Сургалтыг нийтийн өмч, хүрээлэн буй орчин, бүх нийтийн эрүүл мэнд, хүүхдийн эрх\ гэсэн дөрвөн сэдвийн хүрээнд явуулж, мэргэшсэн хуульчид, ТББ-дын төлөөлөл удирдан явуулна.
• Хүний эрхийн үндэсний комисс ШШГЕГ хооронд хамтран ажиллах Санамж бичигт гарын үсэг зурна.

10.00

• Барилга, хот байгуулалтын салбарынхны ЭСЯ-ууд болон Олон Улсын хандивлагч байгууллагуудтай хийх зөвлөлдөх уулзалт ‘Туушин’ зочид буудалд эхэлнэ. Гучаад орны ЭСЯ-д болон ОУ-ын байгууллагын төлөөлөл хүрэлцэн ирж, хөрөнгө оруулалтын томоохон төсөл хөтөлбөрүүдтэй танилцаж, санал солилцоно.

11.00

• ‘Зууны мэдээ’ сонины Үндэсний мэдээллийн төвд Монголын худалдаачдын холбооноос ‘Худалдаачид эдийн засгийн баталгаа шаардаж байна’ сэдвээр мэдээлэл хийнэ. Тэд шаардлагын хариуг өгөхгүй бол тэмцлийн хурц хэлбэрийг сонгож, 300 ээж нүцгэн жагсах тухай хэвлэлийн хурлын үеэр мэдэгдэх ажээ.
• ‘Монгол ньюс’ мэдээллийн төвд тунадастай Heniken шар айраг худалдсан талаар иргэд мэдээлэл хийнэ.

11.30

• ‘Зууны мэдээ’ сонины Үндэсний мэдээллийн төвд Гэр хороолол хөгжлийн намыг Монгол улсын Дээд шүүх улсын бүртгэлд бүртгэхээс татгалзаж, үндсэн хуулинд заасан хүний эрхэнд халдаж байгаа талаар хэвлэлийн бага хурал зарлажээ.

11.40

• Урлагийн гавьяат зүтгэлтэн Ш.Гун-Аажавын ‘Манай цэргийн жавхаа’ дууны хөшөөний нээлтийн ажиллагаа Офицеруудын ордны гадна талбайд болно.

ӨНӨӨДРИЙН ЭВЕНТ

11.00

• Зохиолч Ц.Оюунгэрэл, Ж.Л.Фолт нарын ‘Ногоон нүдэн лам-2’ номын нээлт ‘Интерном’ номын их дэлгүүрийн төв салбарт болно.
• Гэрэл зурагчин Б.Баярсайханы ‘Photo Art Exhibition 2017’ үзэсгэлэн Contemporary Art Center of Mongolia-д нээгдэнэ.

14.00

• Монголын хөрөнгийн бирж ТӨХК-иас Үнэт цаасны зах зээлийн суурь мэдлэг олгох сургалт зохион байгуулна. Иргэдийн үнэт цаасны зах зээлийн талаарх мэдлэгийг дээшлүүлэх зорилготой сургалтыг 2005 оноос эхлэн тогтмол зохион байгуулж иржээ. Сургалт 5 өдөр үргэлжилнэ.

16.00

• Дэлхийн хамгийн олон үзэгчтэй Английн дээд лигт 20 удаа түрүүлсэн ‘Манчестер Юнайтад’ клубын франц довтлогч Луи Саа өнөөдөр /2017.12.11/ Монголд хүрэлцэн ирэх гэж байна. Тэрбээр маргааш /2017.12.12/ болох Монголын хөлбөмбөгийн холбооноос зохион байгуулах “Алтан бөмбөг” ёслолын ажиллагаанд  зочноор оролцох юм. Мөн хөгжөөн дэмжигчидтэй уулзаж, гарын үсэг өгөх, Английн дээд лигт 289 тоглолтод 85 гоол оруулсан дурсамжаасаа хуваалцаж, нэг өдрийг Монголын хөлбөмбөг сонирхогчдод зориулна. Луи Саатай шинэ жилийн үдэшлэг маргааш ‘Кемпински’ зочид буудалд 21.00 цагаас болох бөгөөд такс 25.000 төгрөг аж.