"Төрийг авлигажуулсан намууд ийм юм ярьж болох уу" | News.MN

"Төрийг авлигажуулсан намууд ийм юм ярьж болох уу"

Хуучирсан мэдээ: 2017.12.08-нд нийтлэгдсэн

"Төрийг авлигажуулсан намууд ийм юм ярьж болох уу"

"Төрийг авлигажуулсан намууд ийм юм ярьж болох уу"

Өнөөдөр Төрийн ордонд болсон “Шилэн нам-авлигын эсрэг түншлэл” хэлэлцүүлэгт УИХ-д суудалтай болон суудалгүй намуудын төлөөлөл оролцлоо. Улс төрийн намын хараат бус хяналт, санхүүжилтийн асуудал, дотоод хяналтыг сайжруулах талаар  тэд хэлэлцсэн юм.  Мөннамууд авлигаас ангид байхын тулд шилэн нам авлигын эсрэг түншлэлд нэгдэхийг уриалав. УИХ-д суудалгүй намуудын төлөөлөл авлига хаана цэцэглэж, хаана хамгийн их байгааг зөв тодорхойлох нь чухал. Авлигын эсрэг хуультай, тэмцдэг байгууллагатай хэрнээ эмч, багш нар, төрийн байгууллага болон хуулийн байгууллагад авлигад их өртдөг явдал байсаар байгааг судалгаа харуулж байна гэв. Уг хэлэлцүүлэгт оролцсон намуудын төлөөллүүдийн байр суурийг хүргэе.


УИХ-ын гишүүн З.Нарантуяа:

-Өнөөдрийн хэлэлцүүлгийн үндсэн зарчимтай АН байр суурь нэг байгаа. Түүнчлэн УИХ-д ‘Эмэгтэйчүүдийн албан бус бүлэг’ байгуулснаа зарласан. Бүлгийн зүгээс нам хамаарахгүйгээр хүүхдийн эрх, хүчирхийллийн эсрэг цаашлаад авлигын эсрэг нэгдэхээ мэдэгдэж байна.

МАН-ын Ерөнхий нарийн бичгийн дарга Д.Амарбаясгалан:

-МАН-ын зүгээс авлигын эсрэг асуудалд нэгдэж, улс төрийн намуудын хамтын ажиллагааг нэмэгдүүлэхийг дэмжиж байгаа. Улс төрийн намууд өөрсдөө энэ асуудалд манлайллыг нэмэгдүүлэх нь зүйтэй.

АН-ын төрийн нарийн бичгийн дарга Ц.Туваан:

-Яг энэ өдрүүдэд АН-ын зүгээс Удирдах ажилтнуудын зөвлөгөөн зохион байгуулж байна. Намуудын санхүүжилтийн асуудлыг ил болгох нь зүйтэй гэдэгт санал нийлж байна. Шилэн нам болох байр суурийг дэмжиж, цаашид хамтран ажиллахаа албан ёсоор мэдэгдье.

МАХН-ын генсек Ц.Оюунбаатар:

-Өнөөдрийн хэлэлцүүлгийг хийж байгаа нь чухал боловч Монголын намууд яг бодитойгоор шилэн болох уу гэдэг эргэлзээтэй. Өнөөдрийн санаачилга бол намуудын авлигын эсрэг тэмцэх,өөрчлөх гэсэн санаачилга гэж харж байна. Гэхдээ бодит нөхцөл байдал бол хэцүү шүү. 60 тэрбумын асуудал бол авлигын ноён оргил шүү дээ. Улс төрийн сонгуулийг  хар. Ийм нөхцөлд ямар шийдэл гаргах нь чухал болохоос гарын үсэг зурах нь шийдэл биш шүү.

Ногоон намын дарга О.Бум-Ялагч:

-Өнөөдөр та нар шилэн нам гээд яриад байдаг. Төрийг авлигажуулсан намууд ийм юм ярьж болж байгаа юм уу. Та нар яах гэж ийм балиар юм хийж байдаг юм. Та нарын ард өчнөөн олон олигархиуд байгаа. Сэхээтэн залуус гудамжинд, гадаадад гарчихаад байна. Та нарын бодлого бол ард түмнээ мөнгөгүй байлгах бодлого. Авлигын эсрэг тэмцэгч нь бол иргэд өөрсдөө болохоос та нар биш шүү’ хэмээн хашгирав. Түүнийг дараагийн хүнээ хүндэлнэ үү хэмээн микрофоныг нь тасласнаар хэлэлцүүлэгт оролцогчид үргэлжлүүлэн саналаа хэлсэн.

Ш.ЧИМЭГ

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-12-08 150.129.143.91

Namuud shilen bolno gej muur bagshiin ylger. Bidniigee huurch bui um. Ichij yhmeryydiig ustgamaar bn.

Avatar

Ламдах 2017-12-08 203.169.50.107

За да намууд сайн ламаар явж айриусахгүй бол нүгэл нь ихдээд чөтгөрдүү болсон бна.
Нэг нэгийгээ их золигт гаргаж бна. Энэ даамжирвал муу ёрын шинж бүрдэж сүйрэлд унана.

Avatar

Зочин 2017-12-08 59.153.115.153

Бум-Ялагч мэдрэлийн өвчтэй юм билээ.

Avatar

Зочин 2017-12-08 27.123.212.136

чи л харин мэдрэлийн өвчтэй байна даа.

Avatar

иргэд 2017-12-08 103.57.95.156

Улс төрийн намуудын тухай хуулийн төсөл өргөн барихад аль нам хэн хэн жадлан эсэргүүцлээ,олон түмэн тэнэг биш,ингэж иргэдээ тохуурхаж цаг нөхцөөх хэрэг байна уу?монголын төрийг хар захын лангуун дээр тавьсан нэр бүхий этгээдүүдийг зайлуулаагүй байж ийм дэмий юм ярихаа больдоо,ингэж марзаганахын оронд тэр хав дарсан хуулиа гаргаж хэрэгжүүлэлдээ,сачий нь хүрэхгүй шүүдээ.

Avatar

Зочин 2017-12-08 202.21.106.139

Нөхөд өө! Сүүлийн 30-аад жилийн улс төрийн үйл явцаас харахад Монголын улс төрийн намууд засаглаж ч чадахгүй юм, улсаа хөгжүүлж ч чадахгүй юм, үзэл баримтлалын хувьд бие биеэс ч ялгарах юм алга. Нэг нам үнэмлэхүй олонхи байсан ч засаглаж чадахгүй юм, нилээн хэдэн нам нийлж эвсээд ч засаглаж чадахгүй юм. Иймээс улс төрийн намуудыг улс төрийн намын тахай хуультай нь нулимж орхих нь зөв бус уу. Үндсэн хуулиа дорвитой шинэчлээд Ерөнхийлөгчийн засаглал тогтоовол нэг бодлого, нэг засаглалаар улсаа хөгжүүлэх нь дээр санагдана. Улс төрийн намууд байваас зөвхөн хууль тогтоох байгууллагын сонгуульд оролцож хуулийн засаглалаа тогтооход оролцож болох юм. Төрийн сонгуульд засаг захиргааны нэгжээсээ нэр дэвшүүлж оролцдог болох, Улс төрийн намууд төрийн алба руу гар хуруу дүрдэггүй болгож хуульчлах хэрэгтэй. Шуудайд хийсэн үхрийн эвэр шиг хагаралдсан хийрхүү улс төрчид, хоорондоо хонь чоно мэт хэмлэлдэн улсаа самарч дуусгах улс төрчид, улс төрийн намууд газрын гав руу орвол таарна.

Avatar

шонх 2017-12-08 202.9.43.67

хатуу гишүүнчлэлгүи НАМууд болхыг цаг үе шаардаж баина САНХҮҮЖИЛТ ИЛ ТОД УИХ-д авсан суудлаараа хувь тэнцүүлж санхүүжилт ТӨРОӨӨС АВДАГ БАИХЫГ цаг үе шаардсаар эд гарцаа олохгүи харанхуид юм шиг тэмтэчсээр л баина. ХҮНИЙ УНАЖ БАИСАН НҮХЭНД УНАЖ БАИЖ УХААРАХ ХЭРЭГГҮИ ТОИРООД ГАРСАН ЖИШИГ ЗӨНДӨӨ Л БАИНА.

Avatar

Зочин 2017-12-08 202.179.25.6

BUM-YALAGCH vneniig heljee. Busad ni durgvitsjee. Hvrelsvhiin bvleg yag abligaa yag ehleh gej baihad….. Oyun-Erdene uuruu ene bvlgiin gol zohitsuulagch shvv dee.

NewsMN Гар утасны хувилбар Татах
NEWS.mn

Мэдээллийн эх сурвалж