Английн цагдаагийн ажилтан жирийн иргэний аминд хүрснээс үүдэн 300 гаруй жагсагчид Лондонд гурван өдөр жагсаж байна. Жагсаал эхний өдрөө тайван үргэжилсэн ч дараагийн өдөр нь жагсагчид цагдаагийн албаны хоёр машиныг шатааж, 30 гаруй цагдаагийн ажилтанг зодож бэртээжээ. Их Британийн цагдаагийн ерөнхий газрын хэвлэлийн төлөөлөгч “Урьдчилсан байдлаар 100 гаруй хүнийг баривчлаад байна. Эдгээр хүмүүс бүгд ямар нэгэн байдлаар уг жагсаалд оролцсон нь нотлогдсон. Асуудлын гол нь дэлгүүр дээрэмдэж, нэг цагдаагийн аминд галт зэвсгээр хүрсэн явдалд юм. Уг нь цагдаагийн ерөнхий газраас хэрэг үйлдсэн цагдаагийн ажилтанд холбогдох арга хэмжээг авах талаар олон нийтэд мэдэгдсэн. Гэвч тайван жагсаал сүүлдээ хөл толгой нь мэдэгдэхгүй үймээн самуун болж хувирлаа” гэжээ.