Ерөнхий боловсролын сургуулийн сурагчдын хоёрдугаар улирлын амралт энэ сарын 29-нд эхэлнэ.

БСШУС-ын сайдын тушаалаар баталсан хуваарийн дагуу нийслэлийн сургуулийн бага ангийн сурагчид арванхоёрдугаар сарын 29-нөөс 2018 оны нэгдүгээр сарын 18-ныг дуустал гурван долоо хоног амрах аж.

Харин дунд болон ахлах ангийн сурагчид 2018 оны нэгдүгээр сарын 5-18-ны хооронд хоёр долоо хоног амарна.

Аймаг, сум, тосгон, багийн сургуулийн  бага ангийнхны хувьд арванхоёрдугаар сарын 29-нөөс 2018 оны нэгдүгээр сарын 11-нийг хүртэл хоёр долоо хоног амрах бол дунд, ахлах ангийнхан 2018 оны нэгдүгээр сарын 5-11-ний хооронд 1 долоо хоног амрах юм байна.

СУРАГЧДЫН АМРАХ ХУГАЦАА

Хоёрдугаар улирлын амралт

• I-V ангийн сурагчид арванхоёрдугаар сарын 29-нөөс нэгдүгээр сарын 18-ныг дуустал гурван долоо хоног амарна.
• VI-XII ангийн сурагчид нэгдүгээр сарын 5-18-ныг дуустал хоёр долоо хоног амарна.

Гуравдугаар улирлын амралт

• Бүх ангийн сурагчид гуравдугаар сарын 23-наас дөрөвдүгээр сарын 5-ныг дуустал хоёр долоо хоног амарна.

Зуны амралт

• I-II ангийн сурагчдын хувьд тавдугаар сарын 25-наас амарна.
• III-V ангийн сурагчдын хувьд зургадугаар сарын 1-нээс амарна.
• VI-XII ангийн сурагчдын хувьд зургадугаар сарын 7-ноос эхэлнэ.

АЙМАГ, СУМ, ТОСГОН, БАГИЙН СУРАГЧДЫН амралт

Хоёрдугаар улирлын амралт

• I-V ангийн сурагчид арванхоёрдугаар сарын 29-нөөс нэгдүгээр сарын 11-нийг дуустал хоёр долоо хоног амарна.
• VI-XII ангийн сурагчид нэгдүгээр сарын 5-11-нийг дуустал нэг долоо хоног амарна.

Гуравдугаар улирлын дундуур

• Цагаан сарын амралт нэг долоо хоног үргэлжилнэ.

Гуравдугаар улирлын амралт

• Бүх ангийн сурагчид гуравдугаар сарын 23-наас дөрөвдүгээр сарын 5-ныг дуустал хоёр долоо хоног /Бүс нутгийн онцлогтой уялдуулан энэ улирлын амралтыг нэг долоо хоногийн өмнө эхэлж болно/ амарна.

Зуны амралт

• I-II ангийн сурагчдын хувьд тавдугаар сарын 25-наас амарна.
• III-V ангийн сурагчдын хувьд зургадугаар сарын 1-нээс амарна.
• VI-XII ангийн сурагчдын хувьд зургадугаар сарын 7-ноос эхэлнэ.

С.БУРАМ