Жүдо бөхийн Токиогийн Их дуулга тэмцээний эмэгтэйчүүдийн -48кг-д зодоглосон дэлхийн аварга М.Уранцэцэг ‘С’ хэсгийн аварга боллоо.  Хэсгийн аваргын төлөө БНСУ-ын жүдоч Жеон Бо-Кюүнтэй барилдаж вазари үнэлгээгээр ялав. Ингэснээр тэрбээр хагас шигшээд Загребийн Гранприд түрүүлээд буй Японы Эндо Хиромитэй барилдах юм.

2016 оны Токиогийн Их дуулгын шигшээд М.Уранцэцэг Солонгосын жүдочийг торгуулиар ялж түрүүлж байжээ.

ДАШТ-ийн мөнгөн медальт Л.Энхрийлэн Японы бөхөд ялагдлаа

Харин Токиогийн Их дуулга тэмцээний эмэгтэйчүүдийн -57кг-д зодоглосон ДАШТ-ийн мөнгөн медальт Л.Энхрийлэн тэмцээнээ дуусгалаа. Тэрбээр эхний тойрогтоо олимпийн аварга Рафаэла Силваг торгуулиар ялсан бол дараагийн тойрогтоо Инчёны Азийн наадмын аварга Японы Яамамото Анзүтэй барилдаж вазари үнэлгээ алдан улмаар цэвэр ялагдав.

Д.УУДАМ